Şəmkirdə bibisini qətlə yetirən 20 yaşlı gəncin istintaqa verdiyi ilkin ifadəsi məlum olub.

Yenixeber.org:  Məlumata görə, A.Zamanov ilkin ifadəsində bibisini qısqanclıq zəminində öldürdüyünü bildirib: 

"Tez-tez telefonda kiminləsə danışır, görüş yeri təyin edirdi. Əvvəl elə bilrdim ki, sevdiyi oğlan var. Bir neçə dəfə izlədim, telefonla danışıb evdən çıxandan sonra arxasınca getdim. Sona gördüm ki, hər dəfə ayrı-ayrı oğlanlarla görüşür. Axşam evə gələndə soruşdum ki, hardan gəlirsən? O da mənə dedi ki, "özüm bilərəm, sən kimsən məni sorğu-sual edirsən". Biz mübahisə elədik. Mən mətbəxə keçərək oradan götürdüyüm bıçaqla başladım bibimə zərbələr vurmağa. Həmin vaxt özümdə deyildim. Sonradan bildim ki, 12 bıçaq zərbəsi vurmuşam".

Şəmkir şəhərində qadın qətlə yetirilib.

Hadisə şəhərin Səttarxan küçəsində qeydə alınıb. 

Şəmkir rayon sakini, 1980-ci il təvəllüdlü Aynurə Zamanova çox saylı bıçaq zərbələri ilə qətlə yetirilib. Bibisini öldürməkdə şübhəli bilinən 20 yaşlı gənc saxlanılıb.

Faktla bağlı araşdırma aparılır.