Sumqayıtda qısqanclıq zəminində baş vermiş cinayətlə bağlı məhkəmə istintaqaı yekunlaşdı.

Həyat yoldasını qısqanclıq zəminində xüsusi amansızlıqla öldürən Yaqub Ağayevin cinayət işi üzrə məhkəmə istintaqı başa çatıb.

Yenixeber.org: Cinayət işinə Bakı Ağır Cinayətlər Məhkəməsində hakim Mirzə Xankişiyevin sədrliyi ilə baxılır.

Prosesdə pokuror çıxış edərək qətl törətməkdə təqsirləndirilən Y.Ağayevin 18 il müddətinə azadlıqdan məhrum edilməsini istəyib. Növbəti iclası mayın 15-nə təyin edilib.

Hadisə ötən il dekabrın 12-də Sumqayıt şəhəri on birinci mikrorayonunun ərazisində baş verib. Həmin ərazidə kirayədə yaşayan 1992-ci il təvəllüdlü Ağayeva Aynurə Ramiz qızı ona vurulan çoxsaylı bıçaq zərbələri nəticəsində dünyasını dəyişib.

Cinayətlə bağlı mərhumun həyat yoldaşı, Beyləqan rayon sakini Ağayev Yaqub Şirin oğlu könüllü olaraq Sumqayıt ŞPİ-nin 1-ci Polis Bölməsinə gələrək istintaqa təslim olub. Məlumata görə, Y.Ağayev həyat yoldaşını qısqanclıq zəminində öldürüb O, gənc qadının bədəninə 40-a yaxın bıçaq zərbəsi endirib. Onların əksəriyyəti qadının boyun və baş nahiyəsində aşkarlanıb