AZ
RU
İcra başçısı yarıtmaz fəaliyyətinin qurbanı ola bilər
30 min insan Vaqif Abdullayevin işdən çıxarılmasına hazırlaşır
"Xeberinfo.com": Beyləqan rayonunun icra başçısı Vaqif Abdullayevin idarəetməsindən bezən rayon camaatı onun əleyhinə imza toplamağa başlayıb. Bununla bağlı məlumat sosial şəbəkələrdə yayılıb.
Həmin məlumatda vurğulanır ki, icra başçısının fəaliyyətini yarıtmaz hesab edən beyləqanlılar onun işdən çıxarılması və başqası ilə əvəzlənməsi məqsədi ilə dövlət başçısına müraciət hazırlayaraq, ona imzaları da əlavə edib göndərməyi planlaşdırırlar. Məlumata görə, imza toplanılmasına bu həftədən etibarən start verilib. Bir həftə içində 30 min imzanı toplayaraq Prezidentə göndərmək nəzərdə tutulub.
