Müqəddəs Ramazan ayının fəzilətli günlərini yaşayırıq. İftar süfrəsində məhz halal yolla qazanılmış və həm də tərkibi halal olan qida məhsullarının istifadəsi vacib şərtdir. “Halal” adı ilə təqdim olunan kolbasa və sosislərin istifadəsi isə işkallıdır.

Yenixeber.org: Azərbaycanda istehsal olunan əksər kolbasaların tərkibinə karton kağızı qatılması, bəzən zibilxanalarda karton yığanların kolbasa sexlərini təchiz etməsi, hətta İrandan məxsusi olaraq bu məqsədlə Azərbaycana karton daşınması, bu səbəbdən də Bakıda hazırlanan kolbasaların dadının tam fərqli olması barədə indiyədək az deyilməyib, az yazılmayıb. Bu günlərdə realmedia.az-ın redaksiyasına daxil olan məlumatda və ona əlavə edilmiş foto-materiallarda marketlərdən toplanmış karton kağızı yüklü maşının “Ovçular ət və ət məhsulları” MMC-nin istehsal sahəsinə daxil olduğu bəlirlənir. Xatırladaq ki, bir müddət əvvəl “halal” sözü yazılmış “Ovçular” kolbasasından donuz piyi çıxması, çox keçmədən, Bakıdakı mağazaların birində “Ovçular ət və ət məhsulları” şirkətinə aid iylənmiş, üfunət qoxulu kiflənmiş kolbasanın aşkarlanması, daha sonra Standartlaşdırma, Metrologiya və Patent üzrə Dövlət Komitəsi aparılan yoxlama zamanı müəssisə tərəfindən istehsal olunan “Krakovskaya” yarımhisə verilmiş kolbasanın markalanmasının normativ sənədlərin tələblərinə cavab vermədiyinin müəyyən edilməsi barədə xəbərlər yayılmışdı. Ən nəhayət, “Ovçular” saxlama müddəti ötmüş Almaniya istehsalı olan “Sorbat R” adlı qılaftəmizləyicidən istifadə etməkdə ittiham olunmuşdu.

Məsələ ilə əlaqədar “Ovçular” MMC-nin rəhbəri Səməd Cəfərovun mövqeyini öyrənməyə çalışacağıq. Hesab edirik ki, məsələnin Qida Təhlükəsizliyi Agentliyi və SMPD Komitəsi tərəfindən araşdırılması zəruridir.

P.S. Şəkildə gördüyünüz “Ovçular ət və ət məhsulları”MMC-nin ərazisidir. Hansı ki, həmin ərazidə kolbasa istehsalı olunan sex fəaliyyət göstərir. Həmin “jiquli” markalı avtomobilin içərisində kartonla doludur. Və həmin kartonlar isə kolbasaların tərkibinə vurulur.(realmedia.az)

Səbinə