AZ
RU
Dövlət Statistika Komitəsinin məlumatına görə, 2017-ci ilin yanvar - dekabr ayları üzrə ölkəyə 53.140,45 ton palma yağı idxal olunub
Yenixeber.org: 2016-cı ildə bu məhsulun idxal çəkisi 58.024,29 ton idi.
Yəni, cüzi azalma müşahidə olunur. Ümumi satış qiymətlərinə gəlincə, 2017-ci ilin 4 rübü ərzində adıçəkilən məhsul üçün 46.638,65 min ABŞ dolları xərclənibsə, 2016-cı ildə 47.439,33 min ABŞ dollar təşkil edirdi. Təqribən, 1 milyon dollar fərq var.
Amma fərq etməz, ölkəyə kərə yağı adı ilə ziyanlı, genofondu məhv edən, minlərlə istehlakçını zəhərləyən, təhlükəli palma yağı hələ də idxal edilir. Bu məhsulların böyük bir hissəsi İndoneziyadan, cüzi hissəsi Malayziyadan gətirilir.
İnternet üzərindən əldə etdiyimiz iddiaya görə, xalqa təhlükəli, ucuz, keyfiyyətsiz palma yağını gömrük monopolisti, “Broker” ləqəbli Əbülfəz Məlikov gətirir.
Onun gömrüyün yeni şefi Səfər Mehdiyevlə münasibətlərinin yaxşı olmadığı haqda iddialar səslənir. Lakin bu informasiyalar çaşdırıcı ola bilər ki, Ə.Məlikov gündəmdən çıxsın. Onun medianın diqqət mərkəzində qalmasını istəməyənlər var.
Əvəzində isə xalqa zəhərli yağ yedirməkdə davam eləsin. Rəsmi rəqəmlərdən də göründüyü kimi, ölkəyə palma yağının idxalında ciddi azalma olmayıb.
Bildirilir ki, Əbülfəz Məlikovun gömrükdən uzaqlaşdırıldığı illüziyası yaradılsada o, “Broker” MMC-nin əvəzinə “Delta Qrup C.O.” MMC vasitəsi ilə Azərbaycana yağ idxalına nəzarət etməkdədir.
Bu məhsulların isə kərə adı altında xalqa sırınan palma yağları olduğu iddia edilir.“Broker” MMC-nin açar isimlərindən biri də Anar Allahverdiyevdir.
Əslən Şamaxıdan olan Anar Allahverdiyev “Broker” MMC-nin rəhbəri Əbülfəz Məlikovun xalası oğludur. Onun da yağ idxalında xüsusi iştirakı olduğu deyilir.
Anar Allahverdiyevin "Broker” MMC-nin hesabına milyonlarla manat dəyərində mal-mülkə sahib olması və əldə etdiyi pullarını istədiyi kimixərclədiyi söylənir.
Əvəzində isı yağ sektoru çox çirklənmiş vəziyyətdədir. İnək şəkillərini kağızların üzərinə çəkməklə, “naturalnaya masl” yazmaqla, etiketlərdə istehlakçıları aldadan məlumatları qeyd etməklə əhalinin istehlakçı hüquqları pozulur.
Təəssüflər olsun ki, bu qədər laboratoriya olduğu bir halda bu sahədə şəffaf fəaliyyət göstərən bir laboratoriya yoxdur ki, hansı yağların necə olduğunu açıq deyə bilək.
Onların ümumi adı isə beynəlxalq bazarlarda kərə yağı yox SPRED kimi təqdim edilir. Və çox ucuz bir qatqıdır. Əsas isə insan orqanizminə ziyandır.
Azad İstehlakçılar Birliyinin sədri Eyyub Hüseynov qeyd etmişdi ki, kərə və nehrə yağları ilə bağlı rəhbərlik etdiyi birliyə hər həftə 10-15 telefon zəngləri daxil olur:
Bütün bu deyilənlərə aydın gətirmək isə mümkün olmur, çünki “Delta Qrup C.O.” MMC -nin rəsmi səhifəsində göstərilən nömrələr cavab vermir.
Ə.Məlikov isə “Broker” adının çox hallandığını və çeynəndiyini bildiyi üçün “Delta Qrup C.O.” MMC vasitəsi ilə təkcə ötən il xalqa 53 min ton palma yağı yedirib. Hələ bu ilki rəqəmlər açıqlanmayıb.
Xatırladaq ki, 2017-ci ilin son aylarında Yeni Zellandiya istehsalı “Westgold” və “Ancor” kərə yağlarının 1 kiloqramı 17-18 manata, Fransa istehsalı olan "French Cow" 18 manat 50 qəpiyə, Hollandiya istehsalı “President” yağı 18 manat 50 qəpiyə, Türkiyə istehsalı “Pınar” kərə yağı isə 24 manat 40 qəpiyə təklif edilirdi.
Hazırda bu yağların qiymətində cüzi ucuzlaşma hiss olunsa da, ümumi xərclərə təsir edəcək səviyyədə deyil. Belə bir məqamı fövtə verməyən işbazlar isə yenə iş başındadırlar.
Onlardan biri də Ə.Məlikovdur. Onun bu günlərdə Abşeron gömrük postuna rəis təyin olunması xəbəri yayılsa da, komitə dərhal təkzib elədi.
Çünki Səfər Mehdiyev növbəti çaşdırıcı addım ataraq, guya “Broker Əbülfəz”lə hər hansı əlaqələr qalmadığını inandırmağa çalışır. Bu halda gömrükdən palma yağlarını və digər məhsulları Ə.Məlikov necə keçirir?(teref.az)
