AZ
RU
.jpg)
Avropada hər gün 13 uşaq vərəmdən ölür
Hər il dünyada vərəm və QİÇS-lə xəstələnmə, buna müvafiq olaraq da ölüm halları 12-13 faiz artır.
Yenixeber.org: Bunu Ümumdünya Səhiyyə Təşkilatının (ÜST) Avropa regionu üzrə nümayəndəsi Sayohat Həsənova "Vərəmin diaqnostika, müalicə və profilaktikasına müasir yanaşma" mövzusunda keçirilən elmi-praktiki konfransda deyib.
O bildirib ki, 2016-ci ilin rəqəmlərinə əsasən Avropa regionunda 290 min insan vərəmə yoluxub: "Onlardan 32 mini uşaq, 87 mini isə qadındır. Hər 20 dəqiqədən bir regionda vərəmdən 1 nəfər, hər gün isə 13 uşaq vərəmdən vəfat edir".
S.Həsənova vurğulayıb ki, vərəmin müalicəsi zamanı xəstənin stasionarda olmaması effektiv nəticə verə bilər: "Stasionarla müalicədənsə ambulator müalicə xəstə üçün daha effektli olur. Bu eyni zamanda xəstəyə maddi baxımından da kömək edir. Stasionar günlərinin azalması digər infeksiyaların yoluxması ehtimalını azaldır".
