AZ
RU
O, vaxtı ilə yol verdiyi ciddi nöqsanlara görə ETSN-in 7 saylı şöbəsindən qovulan Xəzər Məhərrəmovun birdən-birə nazirliyə işə bərpa edilməsi və qısa müddət sonra “Ağ Göl” Milli Parkı kimi strateji bir quruma direktor təyin edilməsi, məhz Vüqar Kərimovun himayədarlığı nəticəsində baş tutub.
Qeyd edək ki, Xəzər Məhərrəmovun birbaşa vəzifəsi “Ağ Göl” Milli Parkında ölkəmizin nadir flora və faunasını qorumaq və çoxaltmaq olsa da, o, parkın ərazisinin 2 min hektarını “BETA” şirkətinə satıb, yaz və payız aylarında ərəblərdən aldığı yüz min dollarla pula görə, Milli Parkın flora və faunasını məhv edir, payız-qış aylarında Ağcabədi, Beyləqan və İmişli bazarlarında qanunsuz ovlanmış balıq ticarətindən onminlərlə pul qazanır.
Qeyd edək ki, Xəzər Məhərrəmovun rəhbərliyilə “Ağ Göl” Milli Parkı əsil brokonyerlər yuvasına çevrilib. Burdan qanunsuz tutulan balıqlar, ovlanan quşlar isə əraziyə yaxın olan rayonların bazarlarında satılır. Hər kəs bilir ki, brokonyer rüşvətlə izn almasa, özbaşına “Ağ Göl” Milli Parkında ov edə bilməz. ETSN-ə aid olan idarə, təşkilat və qoruqlarda müasir texnologiyanın geniş tətbiq olunduğunu nəzərə alarsaq, bu, sadəcə mümkün deyil.
O zaman brokonyer və ərəblərin dövlət qoruğunda ov ovlamasına icazə verənlər var və bu icazəni verən də “Ağ Göl” Milli Parkının direktoru Xəzər Məhərrəmovdur.
Əgər bu məsələlərdən Xəzər Məhərrəmovun xəbəri yoxdursa, deməli direktor qoruğun mühafizəsini təmin edə bilmir. Direktor “Ağ Göl” Milli Parkının mühafizəsinə nəzarəti təşkil edə bilmirsə, demək vəzifəsinin öhdəsindən gələ bilmir. Direktor brokonyerləri qorumaqla vəzifəli olduğu dövlət qoruğunda yaxşı gəlir verən böyük bazar açıb.
Direktor Xəzər Məhərrəmov qeyd olunan qanunsuz ovu və digər mənfi halları dana, inkar edə bilməz. Yazılanlar yalandır, şərdir və böhtandır”- deyə bilməz. Çünki yazını “Ağ Göl” Milli Parkında çalışan, adının çəkilməsini istəməyən şahidin verdiyi xəbər əsasında hazırlanıb.
Mövzuya qayıdacağıq bizi izləyin.(paralel.az)
