Goranboyun icra başçısı özünü belə doğruludur- » Yenixeber.org

Goranboyun icra başçısı özünü belə doğruludur-FOTOFAKTLAR

Yenixeber.org: Ölkə prezidentinin 05 aprel 2019-cu il tarixdə imzaladığı Sərəncam əsasında, Goranboy Rayon İcra Hakimiyyətinin başçısı vəzifəsinə təyin olunan Məhərrəm Quliyevin adı, bu gün də mətbuatın gündəmindən düşmək bilmir ki, bilmir. Düşündürücü haldır ki, daim əksər media qurumlarının tənqid hədəfinə çevrilən bu şəxs, indiyə kimi nə idarəçiliyində, nə də ki, məsələ və problemlərin həllində ortaya yeni yanaşmasını qoymağı bacarmayıb. Baxmayaraq ki, Məhərrəm Quliyev son təyinatına qədər də, bir çox vəzifələrdə çalışmışdır.
Redaksiyamıza daxil olan səhih məlumatlara görə isə, uzun illərin təcrübəsi onu bu gün düşdüyü çıxılmaz durumdan heç də xilas edə bilmir. Bir anlığa diqqət yetirək ki, Məhərrəm Quliyev 2019-cu ildən indiyə kimi Goranboyda elə bir idarəçilik həyata keçirib ki, qruplaşmalar arasında əmələ gələn ziddiyyətlər “pik nöqtə”yə yüksəlmiş, rayonun sosial problemləri aşıb-daşmış və s. kimi xoşagəlməz olaylar baş vermişdir. Adicə bir faktı qeyd edək ki, bu şəxsin “nataraz idarəçiliyi”nin varlığı səbəbindən, rayonun mərkəzi ərazisində ulu öndər Heydər Əliyevin əziz xatirəsinə inşa olunmuş “Heydər bulağı”nın ətraf ərazisi, sanki döyüş meydanına oxşayır. Bundan əlavə, xalqımızın tarixi xilaskarı Heydər Əliyevin adını daşıyan Heydər Əliyev Mərkəzinin divarındakı üzlük daşlardan bəziləri qopub tökülmüşdür. Digər tərəfdən, rayonun mərkəzi ərazisində, hansı ki, gün ərzində minlərlə insanların ötüb-keçdikləri yerdə, daha dəqiq desək Heydər Əliyev Mərkəzinə yaxın ərazidə yerləşdirilmiş şəhid lövhəsinin ətraf ərazisindəki ümumi mənzərənin görkəmi, sanki hər kəsi şoka salır. Demək, bütün bunlar rayona rəhbərlik edən şəxsin naşı şəxs olduğunu və lazımi idarəçilik bacarığı həyata keçirə bilmədiyini sübuta yetirir. Hələ bunlar harasıdır?

Məhərrəm Quliyevin yarıtmaz idarəçiliyinin varlığı rayondakı mərkəzi magistral yolun kənarını və Borsunlu kəndinin yaxınlığındakı “Çinar” pavlionunun ətrafını bənzəri olmayan zibilliyə də qərq edib. Yəni, görünən reallıqlar və yaşananlar onu deməyə əsas verir ki, Məhərrəm Quliyev sözdə Ulu Öndərin ideyalarına sadiq olduğunu bildirsə də, əslində o, əməllərində və şəxsi yanaşmasında fərqli bir şəxsdir. Əgər o, hər kəsi inandırmağa çalışdığı fikirlərində səmimidirsə, o halda sual oluna bilər ki, nədən “Heydər bulağı”na, Heydər Əliyev Mərkəzinə və şəhidimizə belə bir ögey münasibət, belə bir sayğısızlıq göstərilir? Məhərrəm Quliyevin qazilərə göstərdiyi münasibət də, hər kəsə bəlli olan həqiqətlərdir. Yəni, RİH-nin başçısı qazilərə qarşı da elə bir “xor münasibət” göstərir ki, onlardan bəziləri özlərinə qəsd etməyi, sanki düşdükləri vəziyyətdən çıxış yolu hesab edirlər. Məsələn, bir müddət bundan əvvəl bir nəfər qazinin özünü İH-nə məxsus inzibati binanın qarşısında yandırması, məhz söylənilənləri tam şəkildə təsdiq etmiş olur.

Bu şəxsin Goranboydan olan vəzifə sahiblərinə “qənim kəsilməsi”də, heç də hər kəs üçün sirr deyil. Çünki, Məhərrəm Quliyev kadr məsələsində ayrıseçkiliyə yol verməyi, birbaşa özü üçün şərəf bilir. Unutmaq olmaz ki, RİH-i başçısının vaxtilə “sağ əl”i hesab olunan və büdcə pullarını rəhbərinin “dobro” deməsindən sonra “ram edən” 1-ci müavin Ceyhun Həsənovla bağlı DTX cinayət işi qaldırılmış və hal-hazırda istintaq davam etdirilməkdədir. Rayon rəhbərliyi tərəfindən ortaya qoyulan belə bir yanaşmaların varlığı, həyata keçirilən idarəçiliyin mahiyyəti və s. ulu öndər Heydər Əliyev ideyalarına xəyanətdən başqa bir şey deyil...
Mövzu diqqətimizdədir.
İddia olunanlarla bağlı bütün maraqlı tərrəfləri dinləməyə hazırıq.(dia.az)

Facebook-da paylaş

Tarix: 18-03-2022 09:27

Bənzər xəbərlər

Goranboy icra başçısının müəmmalı həyat yolu:Çox şey çıxa...

Bu rayonların icra başçısı dəyişdi -Sərəncam

Məhərrəm Quliyev Goranboyu belə idarə edir... - İDDİA

Nizaməddin Quliyevin fəaliyyətini araşdırılır - Korrupsiyaya görə - RƏSMİ

Başçının özü ''lipa'' nömrəli avtomobildə gəzir, müavini isə, adam döyməklə ad çıxarır - GORANBOYDA NƏLƏR OLUR?

Goranboyun icra başçısını Əlikram Hümbətovla hansı tellər bağlayıb? --GÜNDƏMI ZƏBT EDƏN ŞOK FAKTLAR