AZ
RU
Daha bir universitetin qarşısında izdiham -AÇIQLAMA + FOTO
Daha bir universitetin qarşısında tələbələrin və əməkdaşların COVID-19 pasportunun yoxlanılması zamanı qapıda sıxlıq yaranıb. Sosial şəbəkələrdə Azərbaycan Dillər Universitetinin qarşısında sıxlığın yaranması barədə videogörüntü yayılıb.
Yenixeber.org: Azərbaycan Dillər Universitetindən saytımıza bildirilib ki, paylaşılan görüntülərdəki şəxslər universitetin inzibati binasına buraxılmayan valideynlərdir.
Qeyd edək ki, sentyabrın 29-dan Azərbaycanda fəaliyyət göstərən ali təhsil müəssisələrində ənənəvi şəkildə tədrisə başlanılır. Universitetlərdə tələbələrin və əməkdaşların COVID-19 pasportunun yoxlanılması prosesi qapıda xaosun yaranmasına səbəb olub.
Xatırladaq ki, ali və orta-ixtisas təhsili müəssisəsində təhsil alan yaşı 18-dən yuxarı olan bütün şəxslərdən COVID-19 pasportu, COVID-19-a qarşı peyvənd sertifikatı və ya COVID-19-a qarşı immunitet sertifikatı tələb edilir.
(5).jpeg)
