Yenixeber.org: Bu barədə politoloq Məhəmməd Əsədullazadə qeyd edib.

O bildirib ki, Bu, Rusiyanın Qarabağda qalıcılığına hesablanır:

"Araik Arutunyanın Moskvaya getməsi, burada qəbulu Moskvanın separtizmi dəstəklədiyini və məhz separtizmin arxasında durduğunu sübut edir. Rusiya Qarabağda Abxaziya və Cənubi Osetiya presidentlərini tətbiq edir. Artıq Qarabağda erməni silahlı birləşmələri müdafiə səddi və mühəndis istehkam işləri aparır.

Göründüyü kimi Rusiya atəşkəsdən istifadə edərək konkret olaraq burada separtçıları inkişaf etdirib, Azərbaycana qarşı təzyiqlər edəcək. Azərbaycan Rusiyadan izahat tələb etməli, Laçın dəhlizində post qurulmasına çalışmalı və Avrasiya İttifaqı adlanan Rusiyanın layihələrində iştirak etməməlidir. Bu gün prezident İlham Əliyev dediyi kimi Rusiya strateji tərəfdaş kimi özünü göstərmir. Rusiya rəhbərliyinin fəaliyyəti Qarabağ məsələsindən növbəti problem yaratmaqdır".

"Artıq Azərbaycan ictimaiyyəti və siyasi təşkilatlar Rusiya sülhməramlı qüvvələrinin Qarabağdan çıxarılmasını tələb etməlidir. Rusiya terrorizmə və separtizmə dəstək verməklə Azərbaycan ərazisindən çıxmalıdır. Azərbaycan və Rusiya arasında münasibətlərin kəskinləşməsi gözlənilir", - deyə politoloq qeyd edib.