AZ
RU
.jpg)
Bloqerin Azərbaycanda çəkdiyi şəkillər izləyiciləri tərəfindən çox maraqla qarşılanıb.
Bakıda İçərişəhər, Heydər Əliyev Mərkəzi, Dənizkənarı Bulvar, Aloq Qüllələri və 8-ci kilometr bazarında olan bloqer yazısında Bakını Parisə bənzədib.
“Bilgeh Beach Hotel”də qalan bloqer Bakıdakı məşhur restoranlarda olub, oralarla bağlı ətraflı məlumat verib.
Bloqerin növbəti səfəri Atəşgah məbədi, Yanardağ və Qobustan muzeyinə olub. Qobustandakı palçıq vulkanlarını çəkib, palçıq vulkanı vannası qəbul edib.
Daha sonra Şamaxıya gedən Palina Kozyrava “Shamakhi Palace Sharadil Hotel” ində qalaraq bura haqqında məlumat verib.
İsmayıllının Lahıc kəndinə gedən bloqer yol kənarında meyvə-tərəvəz satan satıcıları, buradakı üzüm bağlarını çəkərək bu şəhərin şərabçılıq sahəsində mühüm yerinin olmasını qeyd edib. İsmayıllıda restoranlardan birində samovar çayı içən bloqer aşıq musiqisinə qulaq asıb, bu musiqidən zövq aldığını vurğulayıb.
Bloqer daha sonra Qəbələyə, oradan da Şəkiyə gedib. Şəkidəki tarixi alban kilsəsini, Karvansaray və Şəki Xan Sarayını gəzən bloqer bu yerlər haqqında öz bloqunda ətraflı məlumat verib.
Məşhur modelyer-bloqer Palina Kozyravanın Azərbaycanda çəkdiyi şəkilləri təqdim edirik:
