AZ
RU
.jpg)
Hamburqlu bar qızı necə Qdanskda türmə cəlladı oldu...-22 yaşlı Jenni Barkman minlərlə əsiri məhv edib
Yenixeber.org: Fəaliyyət göstərdiyi 7 il ərzində düşərgədə 110 mindən artıq məhbus saxlanılıb, onlardan 65 mini sabun üçün xammal kimi istifadədən, işgəncədən və xəstəliklərdən ölüblər.
Stuttfoq düşərgəsi təkcə “xüsusi təyinatlı” məhbusları ilə deyil, həm də bu həbsxanada xidmət edən əməkdaşları ilə yadda qalıb. 22 yaşlı Jenni Barkman isə iki illik xidməti ərzində düşərgənin tarixində silinməz izlər buraxıb.
Jenni Barkman 1922-ci ildə Almaniyada, Hamburq şəhərində anadan olub. Olduqca yoxsul olan ailədə valideynləri onun tərbiyəsi və təhsili ilə maraqlanmayıblar. Yeniyetməlik illərindən tam sərbəst olan Jenni Barkman gecə klublarının daimi sakini olub, müştərilərin qarşısında rəqs etməklə, klubların ətrafındakı parklarda sərxoş kişilərin “tələbatını” 10-15 dəqiqə ərzində ayaqüstü ödəməklə pul qazanıb.
Bir müddət sonra gözəlliyi ilə seçilən Jenni Barkman özünü daha imkanlı adamların ixtiyarına verib. Ondan fotomodel kimi istifadə ediblər. Amma o, bu işi də yarımçıq qoyub, sonralar özünün dediyi kimi, hər çəkilişdən sonra kişilərin yatağına girmək onu bezdirib.
1943-cü ilin dekabrın sonunda Jenni Barkman Hamburqda təsadüfən uşaqlıq illərinin qonşusu Berhard Klous ilə rastlaşıb. Klousun əynindəki alman zabiti forması Jenni Barkman üçün yaşıl işıq yandırıb. Gecəni bir yerdə keçirdikdən sonra Barkman ona işsiz olduğunu söyləyib. Klous ona Polşada, Stuttfoq düşərgəsində nəzarətçi işləməyi təklif edib. Belə ki, Klous həmin ərəfədə bir neçə həbs düşərgəsinin təchizat və təminat məsələlərinə cavbdehlik daşıyıb və düşərgə rəhbərləri ilə yaxın münasibətləri olub.
Bu təklif Jenni Barkmanın ürəyincə olub. Təbii ki, yüksək maaş, karyera yüksəlişi, mənzil, əşya və ərzaq təminatı mövcud dövr üçün əlçatmaz imtiyazlar sayılıb.
1944-cü ilin yanvar ayında Jenni Barkman Stuttfoq düşərgəsinə nəzarətçi təyin edilib. Elə ilk gündən gənc xanım nələrə qadir olduğunu sübut edə bilib.
Jenni Barkmanın düşərgəyə gəlməsi çox şeyləri dəyişib. Öz könhə “peşə”sini həbsxanada da işə salan Barkman düşərgədə xidmət edən edən yüksəkçinli zabitlərin sevimli məşuqəsinə çevrilib. Bunun əvəzində isə xüsusi səlahiyyətlər qazanıb. Vəziyyət o dərəcəyə çatıb ki, Jenni Barkman digər nəzarətçilərlə rəis kimi rəftar edib. Hətta o, düşərgədə məhbuslar üzərində sınaq keçirən tibbi personalın üzərində də ağalıq edib, onlara ağıl öyrədib, yeni ideyalar verib.
Bu ideyalardan biri də o olub ki, Jenni Barkman həkimlərə qadının öz oğlundan hamilə qalması sınağını keçirməyi tapşırıb. Bu məqsədlə çoxsaylı məhbusların gözü qarşısında ana ilə oğul cinsi əlaqəyə girməyə məcbur edilib.
“Mələk cildli şeytan” təxəllüsünü qazanan Jenni Barkman düşərgədəki qadın və uşaqların qəniminə çevrilib. Kişi nəzarətçilərinin nəzarəti altında soyunaraq qadın kameralarına girən Jenni Barkman məhbus qadınlarla əylənməkdən xüsusi zövq alıb. İstədiyinə nail olduqdan sonra isə onları kişi nəzarətçilərinin ixtiyarına verib.
Düşərgədə Jenni Barkmanın sözündən çıxmaq ölümlə nəticələnib. 22 yaşlı cəllad qadın üçün onu qulaq asmayanlara ikinci bir cəza növü olmayıb, yalnız işgəncə verməklə öldürmək.
Düşərgə rəhbərliyi qaz kameralarına salınacaq məhbusların seçimini də Jenni Barkmana həvalə edib. O, bu işi xüsusi həvəslə həyata keçirib. Hədəfə ilk düşənlər ən gənc və ən gözəl məhbus qadınlar olublar.
Jenni Barkman əyləncələri və amansız işgəncələri ilə yanaşı xidməti karyerası haqqında da düşünüb. Düşərgədə xidmətinin səkkizinci ayında o, baş nəzarətçi vəzifəsinə təyin edilib və yaxın zamanlarda zabit kurslarına getməyi də planlaşdırıb. Amma müharibənin gedişatı onun planlarını yarımçıq qoyub.
1945-ci ildə Polşa alman işğalçılarından azad olunanda Jenni Barkman hamıdan əvvəl düşərgəni tərk edərək qaçıb. Sərhədi keçə bilməyən cəllad qadın 4 ay Polşada gizlənib.
Saxta sənəd düzəltməklə törətdiyi cinayətlərdən yayınmaq istəyən Jenni Barkman Qdansk vağzalında saxta sənəd düzəldən tanışı ilə görüşü zamanı hərbu partul tərəfindən saxlanılıb.
Barkmanın məhkəməsi Varşavada keçirilib. Məhkəmədə 100-dən artıq Ştuttfoq düşərgəsinin məhbusu ifadə verib. Hətta düşərgədə xidmət edən və Polşada həbs olunan 15-dən artıq nəzarətçi də onun əleyhinə ifadə verib.
Jenni Barkman məhkəmədə özünü soyuqqanlı aparıb. Hətta haqqında ölüm hökmünün çıxarılmasını da sakitliklə qarşılayıb. Ona son söz veriləndə də özünə haqq qazandırmağa çalışmayıb: “Mən özümə haqq qazandırmağa çalışmayacağam. Çünki bilirəm ki, bu heç nəyi dəyişməyəcək. Bir də bildiyim bir həqiqət var, həyat gözəldir, amma gözəlliyin ömrü uzun olmur. Mənim yaşadığım gözəl günlərin ömrü kimi...”
4 iyul 1946-cı ildə Jenni Barkman və düşərgənin daha 14 əməkdaşı Qdansk şəhəri yaxınlığındakı Biskupski təpəliyində edam olunublar. Onları edam yerinə yük maşınında aparıblar. Boğazlarına kəndir saldıqdan sonra yük maşınları hərəkətə keçib.
Jenni Barkmanın boğazına kəndir keçirdikdən sonra sürücü maşını hərəkətə gətirmək istəyəndə mühərrik sönüb. Barkman “bu mənim sonuncu şansımdır” deyə qışqırıb. O, yenə də nə isə demək istəyib. Amma bu dəfə sürücü maşını sürətlə irəli sürərək 24 yaşlı “mələk simalı şeytan”ın boğazını kəndirdə, ayaqlarını isə havada qoyub...(musavat)
İlham Cəmiloğlu
