AZ
RU
Sakinlərdən saytımıza verilən məlumata görə, naməlum bir tikinti şirkəti ərazini hasarlayaraq ağacları kökündən çıxarır.
“Tikinti şirkətinin nümayəndəsi kimi özünü təqdim edən şəxs bizə dedi ki, bu ərazidə bina tikəcəklər. Biz onlara bu əməllərinin qanunsuz olduqlarını dedik. Əsaslandırdıq ki, ərazi binada yaşayanlar və uşaqlarının asudə vaxtı üçün nəzərdə tutulub. Onsuz da yay aylarında evdə nəfəs almaq olmur. Sakinlər bu balaca həyətə düşüb hava alırlar. Onlar bizə dedilər ki, Nəsimi Rayon İcra Hakimiyyəti başda olmaqla digər müvafiq icra strukturlarından lazımı bütün icazə alınıb və onlara heç kəs müdaxilə edə biləməyəcək” deyə şikayətçi sakinlər saytımıza bildiriblər.
Nəsiminin icra başçısı Asif Əsgərov
Sakinlərin sözlərinə görə, yeni həftədə yığışıb Nəsimi Rayon İcra Hakimiyyətinə gedəcəklər: “Çünki bu şirkətə icra başçısı Asif Əsgərov havadarlıq edir. Elə bu ərazini də o, bunlara satıb. Ondan icazəsiz heç kim bu rayonda daşı-daş üstə qoya bilməz”.
Fərhad Çağtürk/ AzEuroNews.com/ 
