AZ
RU
Siqaret bahalaşacaq?
Musa Quliyev: “Siqaretin qiymətinin bahalaşması, nəhayət ki, öz təsdiqini tapacaq”
"Xeberinfo.com": Məlumata görə, bunu aktual.az-a açıqlamasında Milli Məclisin sosial siyasət komitəsinin sədr müavini Musa Quliyev bildirib.
Məsələnin yenidən gundəmə gəldiyini söyləyən millət vəkili deyib ki, siqaretin qiymətinin bahalaşmasina ilk növbədə hökümət səviyyəsində baxılmalıdır:
“Əvvəlcə bu məsələni hökümət müzakirəyə çıxarmalı, daha sonra isə parlamentin ixtiyarına buraxılmalıdır”.
Siqaretin azyaşlılar arasında geniş yayıldığını və bununla da ölümcül xəstəliklərə səbəb olacaq təhlükələrin yarandığını qeyd edən millət vəkili yaxın günlərdə bu yöndə atılacaq addımlardan da danışıb:
“Artıq siqaret bəşəriyyətin bəlasına çevrilib. Azyaşlılar rahatlıqla satış mərkəzlərindən siqaret ala bilirlər. Mən dəfələrlə bu mövzunu gündəmə gətirmişəm, bəzi təkliflərlə çıxış etmişəm. Amma hökümət qiymətləri bahalaşdırsa, azyaşlıların tütün məmulatlarından istifadəsi cətinləşəcək".
Bəzi ictimai yerlərdə siqaretin cəkilməsinə etirazını bildirən M.Quliyev bu təcrübənin Azərbaycanda da tətbiq olunacağını söyləyib.
Onun sözlərinə görə, bu mövzu hökümətin və Milli Məclisin diqqətində olmalıdır.
.jpg)
