"xeberinfo.com": Azərbaycanda tütün məhsullarının qiymətində enmə müşahidə olunur.  Bir müddət əvvəl qiyməti 10 qəpik, bəziləri isə 20-60 qəpik məbləğində bahalaşan siqaretlərin qiyməti aşağı enməyə başlayıb. Belə ki, “West” siqaretinin pərakəndə qiyməti yenidən 80 qəpiyə endirilib. İqtisadi Tədqiqatlar Mərkəzinin rəhbəri Qubad İbadoğlu isə bildirib ki, qiymətlərin bahalaşması bu istiqamətdə xərclərin çoxlması deməkdir. Onun fikrincə, siqaretin qiymətinin qalxması siqaret çəkənlərin, eyni zamanda sözügedən şəxslərin təmsil etdiyi ailələrin büdcəsinə təsir edir: “Çünki siqaret qiymətinin artmasından və yaxud ucuzlaşmasından aslı olmayaraq istehlakın miqdarında azalma qeydə alınmır. Bu o deməkdir ki, siqaret çəkən insanlar lazimi qədər pul xərcləməklə bundan istifadə edəcəklər. Digər tərəfdən siqaret ölkədə ən çox istehlak olunan mallardan biri olduğu üçün tütün məhsullarının qiymətinin qalxması infilyasiyaya da təsir edəcək”. Q. İbadoğlu əlavə edib ki, tütün məhsulu ölkədə tək əldə istehsal olunur və satıldığı üçün bu sahədə qiymət oynaması da istisna deyil: “Digər tərəfdən tütünün qiymətinin qalxması dünya bazarında gedən prosseslərlə də bağlı ola bilər”.