Bank sisteminin acınacaqlı durumu ilə bağlı iqtisadçı-eksper facebook səhifəsində maraqlı qeyd paylaşıb.

Xeberinfo.com:  Həmin yazını azadlıq.info-ya istinadən təqdim edirik:

Bank sistemindən bir ayda yarım milyard dollardan çox əmanət və depozit çıxarılıb. Proses durmadan davam etməkdədir. Əhali yalnız oktyabr ayı ərzində xarici valyuta şəklində saxladığı əmanətlərin 268 milyon dollarını, manat şəklində saxladığı əmanətlərin isə 28,5 milyon manatını bank sistemindən geri çəkməli olub.
Maliyyə təşkilatları (bank, sığorta) daha cəld tərpənərək bu 1 ayda “xarici valyuta” depozitlərini 350 milyon dollar, “manat” depozitlərini isə 36 milyon manat azaldıb.
Yerdə qalan təşkilatlar “manat” depozitlərini 630 milyon artırsa da, “xarici valyuta” depozitlərinin 217 milyon dollarını bank hesablarından çıxarmaq məcburiyyətində qalıb.
Ümumiləşdirmə etsək, aydın olar ki, əmanət və depozitlərin “manat” həcmi 566 milyon manat artsa da, “xarici valyuta” həcmi 836 milyon dollar azalıb.
Beləliklə aydın olur ki, oktyabr ayı ərzində banklara inam sarsılmaqda davam edib və bank sisteminin sağlamlaşdırılması adına görülən tədbirlər əks nəticə verib