AZ
RU
.jpg)
“Neft istehsalı və ixracatı ilə bağlı hazırkı siyasət davam etdiriləcək”
“Heç bir şey İran neftinin istehsalının artırılmasına və ixracatına mane ola bilməz”.
Xeberinfo.com: Məlumata görə, bunu Tehranda keçirilən neft-qaz sərgisində neft naziri Bijən Namdar Zəngənə deyib. Onun sözlərinə görə, İran dünya bazarında itirilmiş payını geri qaytaranadək neft istehsalı və ixracatı ilə bağlı hazırkı siyasətini davam etdirəcək. B.N. Zəngənə bildirib ki, birgə fəaliyyət planının icrasının hökumət üçün ən önəmli nailiyyəti neft ixracatının artırılmasıdır: “Ona görə ki, biz sanksiyalar zamanı yalnız 1 milyon barel neft ixrac edirdik, kondensatı da nəzərə alsaq, bu rəqəm 1 milyon 350 min barel təşkil edib. Lakin bu gün bizim ixracatımız gündəlik 2 milyon bareli keçib və kondensantla birgə bu rəqəm 2 milyon 400 min barelə çatıb”.
B.N.Zəngənə əlavə edib ki, cari ildə İranın neft-kimya məhsulları istehsalının həcmi 40 mlrd. dollara çatdırılacaq: “Neft-kimya sənayesi istehsalı işsizliyin aradan qaldırılması və xam neftin satışının qarşısını almaq məqsədi ilə artırılacaq”.
İranın neft naziri yeni neft müqavilələri məsələsinə də toxunub. “Yeni neft müqavilələrində daxili və xarici ehtiyatlardan istifadə nəzərdə tutulub və əcnəbilər bu müqavilələrdə yalnız idarəetmə ilə bağlı öhdəlik daşıyırlar, icranı isə iranlı şirkətlər həyata keçirəcək”, - deyə B.N.Zəngənə vurğulayıb.
