AZ
RU
"İran bazarın stabilləşməsi üçün istənilən planı dəstəkləyəcək"
"Doha görüşü məhsuldar olmadı, amma biz bu görüşü OPEC-ə üzv olan və qeyri-üzv ölkələr arasında danışıqların başlanması baxımından müsbət addım kimi dəyərləndiririk".
Xeberinfo.com: Məlumata görə, bunu İranın neft naziri Bijən Namdar Zəngənə Tehranda Cənubi Afrikanın enerji naziri ilə görüşdə bildirib: "Bu görüş OPEC-in əsas neft hasilatçılarına göstərdi ki, vəziyyəti dəyişmək üçün hansısa işlər görülməlidir. İran bazarın stabilləşməsi üçün istənilən planı dəstəkləyəcək".
Nazir İrana qarşı beynəlxalq sanksiyaların götürülməsindən bəri İranın gündəlik neft hasilatının 1 mln. barelədək artdığını bildirib.
O əlavə edib ki, İran bazardakı itirdiyi mövqeyi yenidən qazanana qədər neft hasilatını artırmaqda davam edəcək.
Qeyd edək ki, aprelin 17-də Qətərin paytaxtı Doha şəhərində OPEC-ə üzv olan və qeyri-üzv ölkələr arasında neft hasilatının yanvar ayı səviyyəsində dondurulması ilə bağlı baş tutan 6 saatlıq görüşdə neft hasilatının "dondurulması" ilə bağlı razılığa gəlmək mümkün olmayıb.
(5).jpeg)
