AZ
RU
.jpg)
“Neft 30 dollar olsa, Rusiyanın valyuta ehtiyatları tükənəcək”
Rusiyanın maliyyə naziri deyib ki, neft qiymətləri 30 dollar səviyyəsində qalarsa hökumət Ehtiyat Fondunun vəsaitlərindən istifadə edə bilər.
Xeberinfo.com: “Biz əlbəttə ki, sehrbaz deyilik. Sözsüz ki, qiymət 30 dollar səviyyəsində qalarsa biz güman ki, ehtiyatlara əl atmalı olacağıq. Lakin biz qarşımıza bu kimi ehtimalları azaltmaq vəzifəsini qoyuruq”, – Anton Siluanov deyib.
Bundan əvvəl nazir qeyd edib ki, büdcənin optimallaşdırılması üzrə tədbirlər həyata keçirilməsə, Ehtiyat Fondunun vəsaitləri artıq cari ildə istifadə oluna bilər.
Gələn il büdcə kəsirinin ÜDM-in 3 faizinə bərabər olacağı nəzərdə tutulub. Bu, 2015-ci il səviyyəsini aşmır və Avrozonadakı normalar çərçivəsindədir.
2015-ci ildə Ehtiyat Fondunun həcmi 3,64 trln (47 mlrd dollar) rubladək azalıb.
Maliyyə Nazirliyi bu məbləğin 2016-cı ilin sonunadək iki dəfədən artıq ixtisara düşəcəyini gözləyir.
