AZ
RU
"Azərbaycan bu gün bərpa olunan enerji mənbələrinə keçid üzərində işləyir”-Elnur Soltanov
“Azərbaycan neft-qaz ölkəsinin bərpa olunan enerji mənbələrinə keçid üzərində necə işlədiyini göstərən ən yaxşı nümunələrdən biridir”.
Yenixeber.org: Bunu energetika nazirinin müavini Elnur Soltanov 17-ci Bakı Yay Enerji Məktəbinin açılış mərasimində deyib.
Onun sözlərinə görə, Azərbaycan enerji sektorunda təcrübə qazanıla və öyrənilə biləcək ən yaxşı ölkələrdən biridir: “Belə ki, bu gün Azərbaycan neft hasilatından başlayaraq, təbii qaz hasil edən ölkəyə çevrilərək enerji keçidinin bir neçə mərhələsini keçib və bu gün bərpa olunan enerji mənbələrinə keçid üzərində işləyir”.
O qeyd edib ki, hətta yay məktəbində təhsil aldığı müddətdə tələbələrin özləri də ölkənin energetika sahəsinin necə sürətlə inkişaf etdiyini müşahidə edə biləcəklər.
