İspaniyanın “Barselona” klubunun ulduz futbolçusu Lionel Messi karyerasını ölkə xaricində davam etdirə bilər.

Yenixeber.org: Məşhur “Daily Mirror” nəşri hücumu ilə İngiltərənin “Mançester Siti” klubunun yaxından maraqlandığını yazıb. Bildirilib ki, Kotoloniya təmsilçisinin yeni baş məşqçisi Kike Setyenlə münasibəti korlanan Messi İspaniyadan ayrıla bilər. 

Eyni zamanda 32 yaşlı futbolçu ilə İngiltərənin “Mançester Yunayted”, İtaliyanın “İnter” və “Yuventus” klubları maraqlanır. 2021-ci ilə qədər La Liqa klubu ilə anlaşması olan forvardın taleyi hələ ki, qaranlıqdır. 

“Valverde “Barselona”da baş məşqçi olan zaman komanda daxilində ünsiyyətlə bağlı çətinlikləri vardı. Məşqlər də yaxşı çalışılmırdı. Bir çox oyunçu da bundan məmnun deyild”, - deyə K.Seyten açıqlama verib. 

Bu açıqlama isə Messi ilə çalışdırıcı arasında qalmaqal yaradıb. Futbolçu “Hər kəs öz işində məsuliyyətli olmalıdır, oyunçulardan danışan zaman ad vermək lazımdır”, deyə bildirib və məsələ daha da böyüyüb. Mütəxəssis hücumçunun başqa kluba keçə biləcəyi ilə bağlı verilən sualın cavabında “Mən heç kimə qarışa bilmərəm, Messinin atası deyiləm” söyləyib.