Ağdamın “Qarabağ” futbol klubunun "İnter"ə qalib gəlməsinin özü böyük mükafat olar". 

"Xeberinfo.com":  Məlumata görə, bu sözləri "Qarabağ"ın vitse-prezidenti Tahir Gözəl Avropa Liqasının qrup mərhələsinin son turunda "İnter"ə qarşı oyun öncəsi jurnalistlərə açıqlamasında deyib:

“Qarabağ”ın bugünkü səviyyəyə çatmasına görə Azərbaycan xalqını təbrik edirəm. Bu, böyük uğurdur. Bizim üçün də böyük qürurdur ki, “Qarabağ” adını Avropaya tanıtdırırıq. Azərbaycan xalqının sabah “Qarabağ”ı böyük bir iradə ilə dəstəkləməyə dəvət edirəm. Oyun öncəsi komandaya baş çəkdim. Ümidvaram ki, “Qarabağ” “İnter” üçün çox çətin rəqib olacaq. Sabah “Qarabağ”ın uğurunu görürəm. Mən buna inanıram. Bu ümidlə burdayam”.

O, “Qələbəyə görə futbolçulara mükafat veriləcəkmi?” sualını" belə cavablandırıb:

“İnter”ə qalib gəlsək, bunun özü böyük bir mükafat olacaq. Bunu maddiyyatla ölçmək düzgün deyil. Məncə, bu tarixi yaşamaq Azərbaycan xalqı üçün ən böyük hədiyyə olar. Futbolçulara mükafat vermək də vacibdir. Biz hər zaman buna hazırıq".