AZ
RU
.jpg)
Mançini "Qarabağ"a meydan oxudu
"Hansı heyətlə oynamağımızın fərqi yoxdur. Bakıya qələbə qazanmağa gəlmişik".
"Xeberinfo.com": Bu sözləri "İnter"in baş məşqçisi Roberto Mançini deyib.
Sabah "Qarabağ"la qarşılaşacaq "İnter"in çalışdırıcısı bu gün Bakıda mətbuat konfransı keçirib. İtalyan mütəxəssis bildirib ki, Bakıda qələbə üçün oynayacaqlar: "Biz bütün komandanı gətirmişik. Hətta qapıçılar da gəlib. Biz bura qələbə qazanmağa gəlmişik. Bizim gətirmədiyimiz oyunçuların 4-ü zədəli idisə, digərləri yorğun idilər. Amma bura gələn futbolçularla da meydana qələbə qazanmaq üçün çıxacağıq".
Mançini "Qarabağ"la bağlı da fikir bildirib: "Qarabağ"ı çox bəyənirəm. Sabah azarkeşləri maraqlı mübarizə gözləyir".
Rəqib çalışdırıcı Türkiyədə işləməyinizin "Qarabağ”la oyunda sizin üçün bir üstünlüyü olacaq" sualına belə cavab verib: "Türkiyədə işləməyin elə bir əhəmiyyəti yoxdur. "Qarabağ”ın oyununu təhlil etmişəm. Bura qələbə qazanmağa gəlmişik"
