Redaktor seçimi
12 illik icra başçısının gözqamaşdıran SƏRVƏTİ... -
Niyazi Bayramovun başı dərddə -Gəncədə daha kimlər həbs oluna bilər? -
Elm və Təhsil Nazirliyinin qrant müsabiqəsi-
Cahid Hüseynovun və qohumlarının “Azəriqaz”dakı qanunsuz əməlləri... -
XALQDAN “QAZANILIB” BRİTANİYADA BATIRILAN MİLYONLAR - Və deputat Feyziyevin digər həmkarlarından fərqi -
Kərəm Həsənovun müavinindən şikayət etdi, evinin "altını üstünə çevirdilər" –
"Azərenerji" ASC-nın dövləti milyardlarla borca salmasının səbəbi bilindi-
SUDAN ÇIXARILAN MİLYARDLAR... – Əhmədzadələrin dəbdəbəli həyatının sirri -
Günün xəbəri

"Qarabağ" - "Marsel" oyununun yeri -azarkeş tutumuna görə dəyişdirilə bilər

Qarabağ - Marsel oyununun yeri azarkeş tutumuna görə dəyişdirilə bilər

"Qarabağ" klubunun Fransa "Marsel"i ilə UEFA Konfrans Liqasının pley-off mərhələsindəki ev oyunu Bakı Olimpiya Stadionunda (BOS) keçirilə bilər.

Yenixeber.org: Bu, Tofiq Bəhramov adına Respublika stadionunun icazə verilən tamaşaçı tutumunun azlığı ilə əlaqədardır. Nazirlər Kabineti yanında Operativ Qərargahın müəyyənləşdirdiyi qaydalara əsasən, açıq havada keçirilən idman tədbirlərinə tamaşaçı tutumunun 50 faizi qədər bilet satılır. 31 200 tamaşaçı tutumuna malik mərkəzi arena üçün bu rəqəm 15 500 anlamına gəlir.

68 000 yerlik BOS isə mövcud qaydalara əsasən, Respublika stadionunun ümumi tutumundan çox - 34 000 tamaşaçı qəbul etməyə qadirdir.

"Marsel"in ad-sanlı klub olduğunu və görüşün əhəmiyyətini nəzərə alaraq, oyuna xeyli azarkeşin gələcəyi güman olunur.

"Qarabağ" klubunun mətbuat katibi Gündüz Abbaszadə oyunun BOS-da keçirilmə ehtimalını istisna etməyib: "Hələ dəqiq heç nə yoxdur. Belə bir variant mümkündür".

Qarşılaşmaya tam hazır olduqlarını vurğulayan Respublika stadionunun direktoru Şamil Quliyev bildirib ki, oyun məkanının dəyişdirilməsinin mümkünlüyündən məlumatsızdır.

"Çox istərdik ki, görüş stadionumuzda olsun. Amma bizə belə bir istək gəlməyib". Bunu isə BOS-un İctimaiyyətlə əlaqələr şöbəsinin Fərid Əsədzadə deyib.

Qeyd edək ki, UEFA-nın rəsmi saytı "Qarabağ"ın "Marsel" komandası ilə ilk oyununu 2022-ci il fevralın 17-də "Marsel" stadionunda, cavab görüşünü isə fevralın 24-də Respublika stadionunda təşkil olunacağını açıqlayıb.


Facebook-da paylaş

Yeni xəbərlər

Reklam

Reklam