AZ
RU
.jpg)
Tokio-2020: -Azərbaycan geriləyib, Çin liderliyini qoruyub
Tokio-2020 Yay Olimpiya Oyunlarında bu gün 26 növ üzrə mübarizə gedib.
Yenixeber.org: Daha 18 dəst medal atletika, boks, velosiped idmanı, atçılıq, üzgüçülük, yelkənli qayıqsürmə, skeytbord, ağırlıqqaldırma və güləşdə sahiblərini tapıb. Beləliklə, 243 dəst medala 84 ölkənin idmançıları yiyələnib.
Aktivində 3 bürünc medalı olan Azərbaycan 1 pillə geriləyərək, 76-cı sırada qərarlaşıb.
Siyahıya 70 (32 qızıl, 22 gümüş, 16 bürünc) medalla Çin başçılıq edir.
79 (25 qızıl, 31 gümüş, 23 bürünc) medal qazanan ABŞ kəmiyyətcə 1-ci, keyfiyyətcə 2-ci sırada yer alıb. Medal əyarında 3-cü yeri isə 21 "qızıl", 7 "gümüş" və 12 "bürünc"lə Yaponiya tutur.
1 qızıl, 5 gümüş medalı olan Türkiyə isə 50-ci sırada yer alıb.
