Redaktor seçimi
Müəllim şərəfinə VƏFAsızlıq nümunəsi: Həm sözdə, həm əməldə RÜSVAYÇILIQ –
Həmkarlar İttifaqında qərar verən əsas güc- NİGAR VAHABZADƏ KİMDİR?-
GENERAL MEHDİYEV - GÖMRÜKDƏN BİZNESƏ... - DGK-nın keçmiş şefi necə “uğurlu biznesmen” oldu? +
Fuad Muradovun "adamı" Azərbaycanı "diktatura rejimi" adlandırdı -
Bakını "Qəzza zolağına çevirən" kimlərdir(?)!: “Şamaxılı Cavid”ə "DUR" deyin...-
Əmlak Məsələləri Dövlət Xidməti “Qobu əməliyyatı”na hazırlaşır:
“Əcəmi”də “can bazarı”:
Heydər Əliyevin posterini sökdürən Vüqar Sədiyev bu qədər sərvəti hansı məmurun hesabına əldə edib? -
Günün xəbəri

Vüqar Həşimovun xatirə turniri -ilin ilk yarısında keçirilməyəcək

Vüqar Həşimovun xatirə turniri ilin ilk yarısında keçirilməyəcək

Azərbaycanın mərhum qrossmeysteri Vüqar Həşimovun xatirəsinə planlaşdırılan şahmat üzrə ənənəvi "ShamkirChess" turniri bu ilin ilk yarısında keçirilməyəcək.

Yenixeber.org: Bu barədə Azərbaycan Şahmat Federasiyasının vitse-prezidenti Mahir Məmmədov məlumat verib.

O bildirib ki, yarışın ilin ikinci yarısında keçirilmə ehtimalı var: "İlin ilk yarısında yarışın təşkilini görmürük. İlin ikinci yarısında bəlkə nə isə oldu. Dəqiq deyə bilmirəm. Həqiqətən pandemiya ilə bağlı qeyri-müəyyənlikdir və məndə bu məsələ ilə bağlı dəqiq məlumat yoxdur".

Məmmədov "ShamkirChess" "onlayn formatda təşkil edilə bilərmi" sualına belə cavab verib: "Onlayn yarışların nə qədər mənfi cəhətləri var. Şahmatçılarımızdan Şəhriyar Məmmədyarov onlayn oynamağı xoşlamır. Mən də onu başa düşürəm. Kimsə onlaynda özünü daha inamlı hesab edir. Bu da şahmatçının oyun üslubundan, daxili dünyasından, beynində baş verən proseslərdən, yarışa necə hazırlaşmalarından və s. asılıdır. Şahmatçının beyni incə mexanizmdir".

Federasiya rəsmisi bütün imkanlarını səfərbər edərək "ShamkirChess"in bu il gerçəkləşməsi üçün çalışacaqlarını vurğulayıb: "Şəmkirdəki yarışı davamlı şəkildə təşkil etməyə çalışacağıq. Ölkəmizin sərhədləri hələ bağlıdır. Dünyada pandemiya var, Avropa da qapanıb. Artıq mart ayıdır. İlin ilk yarısı üçün necə planlaşdıra bilərik"?

Qeyd edək ki, "ShamkirChess" 2014-cü ildən keçirilməyə başlayıb. Hazırkı dünya çempionu Maqnus Karlsen 4 (2014, 2015, 2018, 2019), Azərbaycan şahmatçısı Şəhriyar Məmmədyarov isə 2 dəfə (2016, 2017) turnirin qalibi olub. 2020-ci ildəki yarış koronavirus səbəbindən baş tutmayıb.

Vüqar Həşimov uzun sürən ağır xəstəlikdən sonra 11 yanvar 2014-cü ildə vəfat edib.


Facebook-da paylaş

Yeni xəbərlər

Reklam

Reklam