Vəziyyəti dəyişmək üçün Müşfiq Atakişiyevi «ruhi xəstə» elan edə bilərlər 

"Xeberinfo.com":  Məlumata görə, artıq xeyli müddətdir Təfəkkür Universitetində bir sıra qalmaqallı olaylar yaşanır. JAM.AZ xəbər verir ki, rektor Müşfiq Atakişiyevin fəaliyyətinin nəticəi olaraq meydana çıxmız problemləri aradan qaldırmaq isə hələlik kimsəyə müəyəssər olmayıb. 

Son məlumatlara görə, universitetin rektoru Müşfiq Atakişiyevin artıq vəzifəsindən uzaqlaşdırmaq barədə qərar qəbul edilmək üzrədir. JAM.AZ-a verilən məlumatlarda vurğulanır ki, prorektor Rəhim Hüseynovun hazırladığı plana əsasən Atakişiyev martın ortalarından sonra rektor vəzifəsindən imtina edəcək. Onu isə tanınmış akademik, deputat Ziyad Səmədzadə əvəz edəcək.

Atakişiyevin işdən çıxmasının səbəbi kimi isə onda bəzi xəstəliklərin, xüsusən də psixoloji problemlərin baş qaldırması göstəriləcək. JAM.AZ-a məlumat verən mənbənin iddiasına görə, «psixi problem» məsələsini ona görə gündəmə gətirəcəklər ki, belə problemləri olan şəxslə müqavilə avtomatik olaraq qüvvədən düşür. 

Qarşı tərəfi də dinləməyə hazırıq.