AZ
RU
Gürcüstandan qanunsuz yolla - siqaret və spirtli içki gətirilməsinin qarşısı alınıb
Dövlət Gömrük Komitəsinin Qərb Ərazi Baş Gömrük İdarəsinin Əməliyyat və Təhqiqat İdarəsinə daxil olan məlumat əsasında "Qırmızı Körpü" gömrük postunda Gürcüstandan gələn, Azərbaycan vətəndaşının idarə etdiyi "Mercedes Benz" markalı avtomobil saxlanılıb və sürücüsü şifahi sorğu-sual olunub.
Yenixeber.org: Komitədən verilən məlumata görə, sorğu-sual zamanı vətəndaş idarə etdiyi nəqliyyat vasitəsində gizlədilən və gömrük nəzarətinə mütləq bəyan edilməli hər hansı predmetin olmadığını bildirib.
Daha sonra avtomobilə "Nike" ləqəbli kinoloji xidmət itinin tətbiqi ilə keçirilən gömrük baxışı zamanı avtomobilin oturacaqlarının altında və yük yerində üzərində "Marlboro" yazılan 3 000 ədəd siqaret və hər biri 1 litr olmaqla, 17 ədəd üzərində "Nemirovskaya" yazılan spirtli içkilər aşkarlanıb.
Faktla bağlı araşdırma aparılır.
