Paris Məhkəməsi ifrat sağçı Milli Cəbhənin fəxri sədri Jean-Marie Le Penə 30 min avro təzminat cəzası kəsib.

Yenixeber.org:  Le Pen faşizm dövründə qaz otaqlarında edilən qətliamlar üçün “tarixin detalı” fikrini təkrarlaması səbəbindən bu cəzaya məhkum edilib.

Məhkəmədən yayılan yazılı açıqlamada, Paris Cəza Məhkəməsinin Le Penin “insanlıq günahını inkardan” məhkum edildii haqqında qərar verildiyi bildirilib. Açıqlamada Le Penin iddiaya əsasən üç dərnəyə ümumi 10 min avro ödəməyə də razılaşdırıldığı deyilir.

Fransız jurnalist Jean-Jacques Bourdin 2 aprel 2015-ci ildəki reportajında Le Penə “Daha əvvəl dediyiniz “qaz otaqları tarixin bir detalı” ifadənizdən peşmansınızmı?” sualını vermişdi. Le Pen isə “qətiyyən xeyr, düşündüklərimi söylədim, qaz otaqları müharibə tarixinin bir detalı” cavabını verərək, daha əvvəl məhkumluğuna səbəb olan ifadələri təkrarlamışdı.

Milli Cəbhəni lideri və prezidentliyə namizəd olan Marine Le Pen atasını bu ifadələri səbəbiylə qınamış, partiya tərəfindən alınan qərarla onun fəxri sədr unvanı geri alınmışdı. Ancaq Le Pen partiyaya iddia açaraq qərara etiraz etmiş və məhkəmə fəxri sədr ünvanının geri qaytarılmasına hökm vermişdi.