"xeberinfo.com": Bakı Apelyasiya Məhkəməsində yanvarın 17-də “Mur-Ay” MMC-nin sədri Elxan Hüseynov, “Azərbaycan” nəşriyyatında direktor müavini vəzifəsində işləmiş Qalib Məmmədbəyli, “Mur-Ay”ın sədr müavini Bəybala Sultanov, orada mühasib vəzifəsində işləyən Novruz Muxtarov, Elxan Hüseynovun qeyri-rəsmi köməkçisi işləmiş Vaqif Söhbətov, satış üzrə menecer Şəhriyar Ağayev və Seyfəddin Səfərov barəsində çıxarılmış hökmdən apelyasiya şikayəti üzrə məhkəməsı başladı.

    Məhkəmə hökmü ilə Elxan Hüseynov 15, Qalib Məmmədbəyli 10, Bəybala Sultanov 13, Seyfəddin Səfərov 10, Şəhriyar Ağayev 11, Vaqif Söhbətov 12, Novruz Muxtarov 11 il müddətinə azadlıqdan məhrum ediliblər.

Məhkəmə prosesində tikintinin şirkətindən ev alıb, ancaq mənzilinə sahiblənə bilməyən zərərçəkənlər də iştirak edib. Məlumatlara görə, ümumilikdə iş üzrə zərərçəkmişlərin sayı 800 nəfərdən artıqdır.

    Prosesdə təqsirləndirləm şəxslərdən bir neçəsinin vəkili iştirak etmədiyi üçün hakim xəbərdarlıq etdi. Bildirdi ki, növbəti prosesə də qatılmasalar ya yeni vəkil tutmalıdırlar, ya da dövlət tərəfindən yeni vəkillə təmin olunacaqlar.

    Qalib Məmmədbəyli məhkəmənin təxirə salınmasına etiraz etdi: “Hörmətli hakim, üç ildir bura gəlib gedirik. Zərərçəkənlər üçün çətindir, hər dəfə bura gəlmək çətin olur. Mümkündürsə məhkəmə prosesi davam etsin”.

Hakim vəkillərin iştirakı olmadan prosesin davam edə bilməyəcəyini söylədi.

      Məhkəmə yanvarın 24 saat 15:00-a təxirə salındı.