Xəzər Universitetinn rektoru Hamlet İsaxanlının bir həftə öncə döyülmüş qızı Ülkər isayevanın işi ilə bağlı yeni xəbərlər əldə olunub.

"Xeberinfo.com":  Məlumata görə, məsələnin ictimailəşməsindən və mediada ajiotaj doğrumasından sonra Baş Prokurorluq işə qarışıb. Artıq gənc qadını döyәnlәrin bu gün hәbs edilməsi gözlənilir.
Daha bir mәlumata görә, küçədə zorakılıq aktı həyata keçirən oğlanların – Elin və Zaurun atası Muxtar Mәmmәdov hakimdir.
Beləliklə, qardaşların Xətai rayon Məhkəməsinin hakimi Raziyə Ataşova tərəfindən məhkəmə zalından azad edilməsinin də sirri çözülmüş olur.
“Mən sadəcə iddianın təmini tədbiri barədə məsələyə münasibət bildirmişəm”. Bunu isə arqument.az-a açıqlamasında Xətai rayon Məhkəməsinin hakimi Raziyə Ataşova Xəzər Universitetinin rektoru Hamlet İsaxanlının qızı Ülkər İsayeva ilə bağlı yayılan iddialara cavab olaraq bildirib. Onun sözlərinə görə, istintaq hələ də yekunlaşmayıb: “Fakt varsa, cinayət sübuta yetiriləcək. Hazırda Bakı Apelyasiya Məhkəməsində işə baxılır, nəticəni gözləsəniz daha yaxşı olar. O ki qaldı Ülkər İsayevaya, onu dindirmişəm və heç bir şikayəti olmayıb. O bildirib ki, döyülməmişəm, sadəcə müqavimət göstərdim, onlar da məni sakitləşdirib evə aparıblar. Yəni o, döyülmək faktını qəbul etmir. Biz də tərəfləri dindirib məhkəmə başlayana qədər onları sərbəst buraxmaq barədə qərar qəbul etmişik”.

Azpolitika.info