Redaktor seçimi
Mingəcevirin İcra başçısı kütləvi narazılıq yaradır:  Sahibkar “Seyid”in xatirinə -
Anar Nağıyev beş yüz minlik tədbirləri harada keçirib ki, BSU-da heç kimi xəbəri yoxdu -
Gəncə Dövlət Universiteti belə idarə olunur: gündüzlər rektorun yanında, axşamlar isə...-
MÜLKİYYƏTƏ ZORAKILIQ: “Versal Palace” MTK-nın qanunsuz əməlləri və hüquqi fəsadları
“Olympus” MTK kütləvi narazılıq yaradır:
Abşeronda Birlik sədri “bulanıq suda belə gizlənir”:
Müəllim şərəfinə VƏFAsızlıq nümunəsi: Həm sözdə, həm əməldə RÜSVAYÇILIQ –
BSU-nun rektoru Anar Nağıyevə "İTTİHAM YAĞIŞI":
Günün xəbəri

MİLLİ MƏCLİSİN İCLASLARI İYULUN 5-DƏK TƏXİRƏ SALINDI – Deputatlarda koronavirus aşkarlandığına görə...

 

 Azərbaycan Milli Məclisinin iyunun 23-ə təyin olunan iclası təxirə salınıb. Eləcə də, parlamentin komitələrində planlaşdırılan toplantılar da keçirilməyəcək.

Yenixeber.org: Bu barədə redaksiyamıza mötəbər mənbələrdən məlumat verilib.

Məlumata görə, ümumiyyətlə, sərt karantin rejimi dövründə, yəni iyulun 5-dək parlamentdə Milli Məclisin iclaslarının və digər başqa tədbirlərin keçirilməməsinə qərar verilib.

Buna da səbəb indiyədək Milli Məclisin iki deputatının koronavirusa yoluxduğunun aşkarlanmasıdır.

Onlardan birinin adı hələlik açıqlanmayıb. Koronavirusa yoluxan digər deputat - Sahib Alıyev isə özü də bu məlumatı təsdiqləyib.

O, bununla bağlı “Facebook”-da yazdığı statusda vəzifəli şəxsləri virusun geniş yayılmasının qarşısını almağa çağırıb: "Nə qədər özümü qorumağa çalışsam da, çox təəssüf ki, mən də koronavirusa (COVİD-19) yoluxdum. Sizin hər birinizə sağlıq arzulayıram və ümid edirəm ki, insanların daha çox getmək məcburiyyətində qaldıqları obyektlərdəki vəzifəli şəxslər virusun bu dərəcədə geniş yayılmasının qarşısını almaq üçün, nəhayət, gərəkənləri edəcəklər".

 

 

Qeyd edək ki, Sahib Alıyevin ardınca ikinci bir deputatın koronavirusa yoluxması faktının aşkarlanması ciddi narahatçılığa səbəb olub. Buna görə də, bu gün bütün deputatlar, həmçinin Milli Məclis Aparatının əməkdaşları koronavirus testindən keçirilib.

Onlardan COVID-19 infeksiyası ilə bağlı profilaktik test nümunələri alınıb. Test nümunələrinin nəticələri sabah açıqlanacaq.

Xatırladaq ki, Sahib Alıyevin koronavirusa yoluxduğu və Milli Məclisin deputatlarının koronavirus testindən keçiriləcəyinə dair ilk məlumatları da biz vermişik.(azpolitika)


Facebook-da paylaş

Yeni xəbərlər

Reklam

Reklam