Britaniyada artıq 10 mindən çox insan koronavirusdan ölüb. İngiltərə hökumətinin baş məsləhətçisi, fövqəladə hallar üzrə elmi məsləhət qrupunun üzvü Ceremi Farrarın fikrincə, Avropadakı vəziyyət qısa müddətdə pisləşə bilər.

Yenixeber.org: Bir çox mənbələr epidemiya nəticəsində əvvəllər Londonda yaşayan rus oliqarxlarının çoxunun tələsik İngiltərəni tərk etdiklərini yazırlar.

Pandemiya Dumanlı Albionda çox dərinləşib. Bu günlərdə xəstəxanadan çıxan baş nazir Baris Conson vəziyyətinin ağır olduğunu və həyatını iki tibb bacısının xilas etdiyini etiraf edib. Britaniyada belə bir vəziyyətdə pulun kömək etmədiyi aydındır. Çünki ölkədə artıq bütün ödənişli tibbi xidmətlər ləğv edilib. Bu artıq mübaliğə deyil. İngilis mediası lazımi müalicəni ala bilməyən və evdə ölən insanlar haqqında kədərli hekayələrlə doludur. Bundan narahat olan dəbdəbəli həyata öyrəşmiş oliqarxlar öz vətənlərinə üz tuturlar.

Londonda yalnız Rusiya sərhədini keçən kimi həbs olunacaqlarını bilən oliqarxlar qalıb. Onları hələ ki məhkum olunmaq riski koronavirusdan daha çox qorxudur. Ancaq hazırda İngiltərədən qaçmaq asan deyil - hava limanları bağlıdır. Məlumata görə, rus zənginlərindən biri, öz uşaqlarını ölkədən çıxarmaq üçün az qala xüsusi əməliyyat keçirib. Onları çoxdandır istifadə olunmayan bir hava limanına çatdırıblar və oradan xüsusi təyyarə ilə Rusiyaya qaçmağa nail olublar.(virtualaz)

G.Əliyeva