Polis Akademiyasının keçmiş rəisi, general Ramiz Nağıyev prezidentin sabiq köməkçisi Əli Həsənovun həbsi ilə bağlı xəbərə maraqlı münasibət bildirib.

Yenixeber.org: General Ə.Həsənovun "iş başında" olan qohumları haqda açıqlama yayıb: “Araz” radiosu və eləcə də bir sıra digər radiolar “Kaspi” qurumlarının təbliği ilə məşğuldur, Nərimanov rayonunda yaxını Hikmət (Babaoğlu-red.) Əlinin təşkilatçılığı ilə deputatlığa hazırlaşır, baldızı təhsil nazirinin müavini olaraq təhsil sistemini çökdürmək missiyasını davam etdirir, şəriki Ağamalı Qafarov Səbail rayon Məhkəməsinin sədri olsa da, susub ki, məsələlər yatışsın, kürəkəni Xəzər rayon Polis İdarəsinin başındadır, qaynı isə Salyan rayon Polis Şöbəsinə rəhbərlik etməklə respublikada gündəmi zəbt eləmiş gənc qızın polis zabiti tərəfindən zorlanması mühitini yaratmış şəxsdir. Yəqin ki, aidiyyəti qurumların rəhbərləri yuxarıdan göstəriş gözləyirlər ki, hərəkətə keçsinlər. Amma nəzərə almalıdırlar ki, “yuxarı” atasından imtina etmiş Əli barədə qəti fikrini ortaya qoydu, indi növbə sizlərindir, qətiyyətli olun. Müstəqil və gerçəkliklə ayaqlaşan qərarlar verməkdən çəkinməyin, yubanmayın! Ali qanunverici orqana seçkilər kimi həssas məqamda ikiqat məsuliyyətli olmaq lazımdır ki, bu yaramazlar məkrli niyyətlərinə çatmasınlar!".