Azərbaycan hakimiyyətinin apardığı struktur dəyişiklikləri ictimai-siyasi çevrələr ən müxtəlif təkliflər irəli sürür. 

Yenixeber.org: Təkliflər əsasən bir-birini təkrarlayan, fəaliyyətinə zərurət olmayan qurumların ləğvi yaxud uyğun dövlət strukturlarının tabeliyinə verilməsilə bağlıdır. Məsələn, ekspertlər hesab edir ki, Dövlət Gömrük Komitəsinin ayrıca qurum kimi fəaliyyətinə ehtiyac yoxdur. Yeri gəlmişkən, bir müddət əvvəl bu qurumun Vergilər Nazirliyinə birləşdiriləcəyi deyilirdi. Lakin bunun əksi baş verdi. 

Struktur dəyişikliyi çərçivəsində Vergilər Nazirliyi və Əmlak Məsələləri üzrə Dövlət Komitəsi İqtisadiyyat Nazirliyinə birləşdirilirdi. Ekspertlər bunu müsbət qiymətləndirsələr də, çevik idarəetmə sisteminin yaradılması və büdcənin rassionalaşdırılması baxımından prosesin davam etdirilməsini zəruri sayırlar. 

Bu sırada Fövqəladə Hallar Nazirliyinin ləğvi də təklif edilir. İstisadçı alim Qubad İbadoğlu Bildirib ki, FHN-nin ayrıca nazirlik kimi fəaliyyətinə ehtiyac yoxdur. “Azərbaycan okeana çıxışı olmayan, bu və digər səbəblərdən də xüsusi olaraq təbii fəlakətlərlə qarşılaşmayan kiçik ölkədir. Bu baxımdan Fövqəladə Hallar Nazirliyi kimi ayrıca quruma zərurət yoxdur. Digər tərəfdən idarəetmədə struktur dəyişikləri büdcəni rasionallaşdırır, bu baxımdan FHN-nin ləğvi daha yaxşı və səmərli idarəçiliyə gətirib çıxara bilər”, - deyə Qubad İbadoğlu əlavə edib.  

İqtisadçı alim hesab edir ki, bir çox vacib strukturların FHN-də birləşdirilməsi də onun çevikliyini aşağı salır. “Ona görə də Fövqaləda Hallar Nazirliyi ləğv olunmalı, onun bazasında olan xidmətlər müstəqil quruma çevrilməlidir”, - deyə Qubad İbadoğlu vurğulayıb. 

FHN Prezident İlham Əliyevin 16 dekabr 2005-ci il tarixli sərəncamı ilə yaradılıb. 2006-cı il fevralın 6-da isə Kəmaləddin Heydərov Fövqəladə Hallar naziri təyin edilib. Hazırda Kəmaləddin Heydərovun 7 müavini var:

1.    Rəfail Xalid oğlu Mirzəyev – Birinci müavin

2.    Faiq Cavad oğlu Tağı-zadə

3.    Etibar Böyükbəy oğlu Mirzəyev

4.    Ragim Əhəd oğlu Lətifov

5.    Orucəli Məmməd oğlu Hacıyev

6.    Teymur Ramiz oğlu Mehdiyev

7.    Tapdıq Əhliman oğlu Əmiraslanov

Nazirliyin aparatına 14 idarə daxildir: 

1.    Fövqəladə halların xəbardar edilməsi və daxili təhlükəsizlik Baş idarəsi

2.    Fövqəladə halların nəticələrinin aradan qaldırılması işinin təşkili Baş İdraəsi

3.    Kadr siyasəti Baş İdarəsi

4.    Maliyyə-iqtisadiyyat Baş İdarəsi

5.    Baş əməliyyat idarəsi

6.    Mülki müdafiə işinin təşkili Baş İdarəsi

7.    Regional mərkəzlərlə işin təşkili, layihələrin idarə edilməsi və təhsil məsələləri üzrə Baş idarəsi

8.    Hüquq idarəsi

9.    Statistika və informasiya texnologiyaları idarəsi

10.    İctimaiyyətlə əlaqə idarəsi

11.    Beynəlxalq əlaqələr idarəsi

12.    Sənədlərlə və vətəndaşların müraciətləri ilə iş idarəsi

13.    Rabitə idarəsi

14.    Komendant xidmətinin təşkili və texniki təminat idarəsi

FHN-nin strukturuna isə 23 qurum daxildir:

1. Dövlət Yanğından Mühafizə Xidməti

2.Dövlət Yanğın Nəzarəti Xidməti

3.Mülki Müdafiə Qoşunları

4. Dövlət Material Agentliyi

5.Su Ehtiyatları Dövlət Agentliyi

6. Tikintidə Təhlükəsizliyə Nəzarət Dövlət Agentliyi

7. Sənayedə İşlərin Təhlükəsiz Görülməsi və Dağ-mədən Nəzarəti Dövlət Agentliyi

8. Nüvə və Radioloji Fəaliyyətin Tənzimlənməsi üzrə Dövlət Agentliyi

9. Kiçik Həcmli Gəmilərə Nəzarət və Sularda Xilasetmə Dövlət Xidməti

10.Xüsusi Riskli Xilasetmə Xidməti

11.Xəzər Hövzə Qəza-xilasetmə Xidməti

12. Böhran Vəziyyətlərində İdarəetmə Mərkəzi

13. “İzotop” Xüsusi Kombinatı

14.Əməliyyat-istintaq İdarəsi

15.Elm istehsalat Birliyi

16. Mərkəzi laboratoriya

17.Əsaslı Tikinti idarəsi

18.Maddi Texniki-Təchizat İdarəsi

19. Aviasiya dəstəsi

20.Tədris təlim mərkəzi

21. FHN-in Akademiyası

22. İdman sağlamlıq klubu

23.Tibb Xidməti

FHN-nin həm də 9 regional mərkəzi var:

1. Bakı Regional Mərkəzi

2. Sumqayıt Regional Mərkəzi

3. Şimal qərb regional Mərkəzi

4. Şimal Regional Mərkəzi

5. Gəncə Regional Mərkəzi

6. Aran Regional Mərkəzi

7. Muğan Regional Mərkəzi

8. Qarabağ Regional Mərkəzi

9. Cənub Regional Mərkəzi

(yenisabah)