AZ
RU
Qaşıqçı cinayətinin xronoloji –Videosu
Amerikanın "Nyu York Tayms" qəzeti səudiyyəli jurnalist Camal Qaşıqçı cinayətinin xronoloji videosunu yayımlayıb.
Yenixeber.org: Sözügedən görüntülərdə Səudiyyə Ərəbistanından İstanbula gələn 15 nəfərlik sui-qəsd qrupunun Qaşıqçıya tələ qurduğu bildirilib. Qaşıqçının Səudiyyə Ərəbistanı rəhbərliyini və vəliəhd Məhəmməd bin Salmanı tənqid edənlər arasında olduğu qeyd edilərək, cinayətdən sonra türk mediasının Səudiyyə rəsmilərinin hadisə ilə əlaqəsini göstərən sübutlar yayımladığı vurğulanıb.
Cinayətlə əlaqəsi olan 15 nəfərin fotoları və görüntülərinin də yer verilən videoda həmin şəxslərin vəliəhdlə əlaqəsi olduğu, cinayətin necə planlaşdırıldığı, Qaşıqçının konsulluq binasına girdikdən sonra hücuma məruz qaldığı, cəsədinin parçalandığı, konsulluq binasından çıxan mikroavtobusla cəsədin aparıldığı əks olunub.
