AZ
RU
Rusiya aerodromları yenə də vuruldu
İyunun 6-na keçən gecə Ukrayna Müdafiə Qüvvələri Rusiyanın kütləvi zərbələrə başlamasından əvvəl Rusiya aviasiyasının yerləşdiyi aerodromlara qabaqlayıcı zərbələr endirib.
Yenixeber.org: Bu barədə “RBK-Ukrayna” ölkənin Silahlı Qüvvələrinin Baş Qərargahına istinadən məlumat yayıb.
Qeyd olunub ki, əməliyyat nəticəsində strateji bombardmançıların yerləşdiyi Saratov vilayətindəki “Engels” aerodromuna, eləcə də aviatankerlərin və müşayiət edən qırıcıların havaya qalxdığı Ryazan vilayətindəki “Dyaqilevo” aerodromuna zərbələr endirilib.
Bundan başqa, Saratov vilayətində yanacaq-sürtkü yağları olan ən azı üç çən vurulub, zərbələrdən sonra obyektdə genişmiqyaslı yanğın baş verib:
“Hədəflərin olduğu ərazidə onlarla partlayış qeydə alınıb”.
Xatırladaq ki, iyunun 1-də Ukrayna Təhlükəsizlik Xidməti Rusiya strateji bombardmançı aviasiyasına qarşı “Hörümçək toru” adlı irimiqyaslı əməliyyat keçirmişdi.
.jpg)
