Yenixeber.org: Salyan Rayon İcra Hakimiyyətinin Bayram Tədbirlərinin Keçirilməsi ilə bağlı 07.03.2023-cü il tarixdə elan etdiyi kotirovka müsabiqəsinə iki gün sonra-09.03.2023-cü ildə-yekun vurulub. Müsabiqənin qalibi "NIEDAX" Məhdud Məsuliyyətli Cəmiyyəti (MMC) olub....

Tərəflər arasında bağlanmış müqaviləyə görə Salyan Rayon İcra Hakimiyyəti Bayram Tədbirləri çərçivəsində bir sıra toplantıların keçirilməsi və malların alınması üçün "NIEDAX" MMC-nə 45.615,85 AZN ödəyəcək.

Bu arada iki məqam diqqət çəkir: Birincisi Salyan Rayon İcra Hakimiyyətinin elan etdiyi dövlət satınalma müsabiqəsinin bitmə tarixi 31.12.2023-cü il olsa da, cəmi iki gün sonra qalib şirkət elan olunub... İkinci maraq doğuran məqam isə qalib şirkətlə-"NIEDAX" MMC-ilə bağlıdır. Yenixeber.org olaraq "NIEDAX" MMC ilə bağlı internet resurslarından heç bir məlumata rast ola bilmədik(?)

Məlum olduğu kimi, “Dövlət satınalmaları haqqında” Azərbaycan Respublikası Qanununun 6-cı maddəsində dövlət satınalmalarında qalib şirkətlə bağlı bir sıra tələblər yer alır...