Minnekayev hədəflərin nədən ibarət olduğunu açıqladı

Yenixeber.org: Rusiya silahlı qüvvələri Ukraynaya hücumun ikinci mərhələsinə başlayıb. Rusiya mediası xəbər verir ki, bu barədə Rusiya Mərkəzi Hərbi Dairənin komandanının müavini Rüstəm Minnekayev məlumat verib.

Minnekayev bildirib ki, hərbi əməliyyatların ikinci mərhələsi başlayıb: "İkinci mərhələdə Rusiya ordusu Donbass və Ukraynanın cənubu üzərində tam nəzarət yaratmağı, Krıma dəhliz, eləcə də Dnestryanı əraziyə çıxışı təmin etməyi planlaşdırır”.

Qeyd edək ki, iki gün əvvəl Ukrayna Prezidenti Volodimir Zelenski bildirmişdi ki, Rusiya uzun zamandır Donbas uğrunda döyüşlərə hazırlaşır.