AZ
RU
Nədən bacarmıram
Həsrətdən yarandım sözlə doğuldum,
Ömrün yollarında, yaman yoruldum.
Sözlə başlamışdım, sözlə boğuldum,
Nədən bacarmıram, bu həyatla mən!?...
Sözümlə gecəyə çıraq asıram,
Tələskən uşaq tək, yaman qaçıram,
Zirvələr fəth edib, şəstlə aşıram,
Nədən bacarmıram, bu həyatla mən?!...
Misramın nazı var, işvəsi vardır,
Dilaltı kəlməmin, bişməsi vardır,
Ağızdan, ağıza düşməsi vardır,
Nədən bacarmıram, bu həyatla mən?!...
Dəy, sözüm hədəfə, sancıl ox kimi,
İçim düşmən qanin, baxım tox kimi,
Bu həyat, adisə sandım yox kimi,
Nədən bacarmıram, bu həyatla mən?!...
Təranə Şəms
