BƏHRİ TƏVİL(yeni)

"Xeberinfo.com": Aramızda var beləsi vətən, vətən daş deyir, söz çürüdüb, at oynadıb baş yeyir,
mətbəx onun, aşbaz olub, yeməkləri çeşid-çeşid dəyişdirib qonaq yığıb süfrəsinə, gündə - gündə söz bişirib aş yeyir, gəlin deyim daşdısa ha, qəlbi onun ara –sıra burda mənəm söyləyərək baş yeyir. Süfrə açıb qonaq edib milləti o, ara-ara baş yesə də, hərdən olur, ZİLƏ ÇƏKİR zilləti O. Qıraq-qıraq baxıb süzən, söz deməmiş,gözü süzən, çırmalanıb çayda üzən avamları ələ salıb özü susar,olar ki ya, susuz quyuya daş salır. Mən deyim ha bunlar ki var aramızda dənə -dünə sayla deyil, vaxt vədəsi günlə deyil bollucadır. Bir məsələ maraqlıdır, uyan da çox, duyanda çox, söz oynadıb, sözlə sözü vüran da çox, torpaq özü kimindisə, qayğısına qalan da çox,ama ki,ya Vətən deyil beşin üçün, nədəndi bəs daş olmayaq, adı gözəl, sözü gözəl,yer belləyib, VƏTƏN adlı toxum əkib baş olmayaq. Qonaq düşüb, süfrə başı rahat- rahat otursaq da, diqqət edək dildə sözə, gözdə gözə, əyri düşən ağızlara söz olmayaq. Gəl düşünək: Qeyrət bizim ar da bizim, bağçamız da, heyva gözəl nar da bizim, döst da bizim, yar da bizim, gül üsdəki xar da bizim, namus deyən dil də bizim, utanmayan üzlərdəki ar da bizim. Bu bizləri vurub yerə söz bazarı dəlal olub, söz satana m ən deyirəm, üstü unlu görünsən də, bənzəri var quma, töza, un deyil, hər saz çalan züy tutaraq yanşaq olar, mahnı deyər, nədəndi bəs aşıq deyil, əlin təmiz olsun deyə yemək yesən, batmaz əlin qaşıq deyil, hər mayadan qatıq olsa mən istəyən, şirin-şirin, üzlü-gözlü OLSA BELƏ, bazara gedər, amma ki ya, qatıq deyil. Mən yazaram, SÖZDƏ sözüm yalan deyil. Kim nə gördü, mən də gördüm, gördüyümü, bildiyimi çəkinmədən söyləyərək, al götürün mən də sizə, paydı dedim. Hər sözümdə məna dərin, oxa kaman yaydı dedim, atdığın o atmacaya, bəzi -bəzi tapmacaya cavab verib haydı dedim. Sözü sözdə tutanların, millətimi cahil bilib, cəpik çalıb gülənlərin, quyruğundan yox xəbəri qırqovulla dostluq edər, hevanlara taydı dedim. Deyirlər ki, çox bilən quş, dimdiyindən düşər tora, vurnuxaraq olsa uzaq, göz açınca yay da gələr bişər qora. Hər sözümdə guman yeri, hər sözümün uman yeri, yuxu görən yatmışları od qoyaraq ayıldacaq, sözlər sösü bayıdacaq. Söz yiyəsi, hər sözümü göydə qapıb, anlar ki ya bıçaqdısa, qan tökəcək hər tiyəsi. Yalan palan vətən deyən, daş əvəzi baş yeyən, süfrə qurub aş yeyən özünə vətəndaş deyən, bir qanmazın dil qarışıq, sözü çoxsa mən deyirəm yox barışıq. Gəlin deyək dostumuzun vurulmuşdu can çəkişən, ucu kötük iynəsi, əgər sözü dildə tutub qanandısa, göydə qapar, axtarıb ha, kəlmələri istəyərək, gəlsə yeri özün tapar. İNDİ deyim dala qalmaz söz aldısa söz yiyəsi durma, dayan ara, axtar, öz sözündə, hər sözünü, bacrırsan de sözünü,
qələm sənin oğulsansa yazdığımı ara-axtar ÇÖZ, yiyəsi TƏRANƏ ŞƏMS!