AZ
RU
GÖZƏLİM
Xeberinfo.com:
Mən ki, bimarın idim, qıymadın şəfa , gözəlim,
Demə, olmurmuş elə gözəldə vəfa, gözəlim.
İncimiş ruhum sənin xəyalının girifdarı,
Əqlim, huşum da itib, qalmayıb qafa, gözəlim.
Eşqini qismətim sanıb, aldanmışam, çarə nədir?
Dadmadım vüsalını, sürmədim səfa, gözəlim.
Getdi Məcnun zamanı, ta dəli olmaq xülya,
Mən təkəm, yox belə insan, belə tayfa, gözəlim.
Saldı zindana Yusifi Züleyxa-- ol eşq əsiri,
Tor gəldi öz gözlərinə, qaldı binəva, gözəlim,
Gəl, indi gen dünyanı sən mənə zindan eləmə,
İnan, Züleyxadan betər çəkərsən cəfa, gözəlim.
Yazılsaydı bəxtinə gər səadət Etibarlının,
Çoxdan gələrdin bəlkə də rəhmə, insafa, gözəlim.
ETİBAR ETİBARLI
.jpg)
