AZ
RU
Gözlər...
Xeberinfo.com:
Gözəlim, zülfünü gəl tökmə daha gözlərinə,
Verib Allah nə gözəl zövqü-səfa gözlərinə.
Açdi qəlbim gözünü bir baxışın ey dilbər
Yusifin köynəyi tək etdi dəva gözlərinə.
Kirpikindən süzülən yaşlar ile qüsl aldı,
Bu könül istədi sacid* ola ta gözlərinə.
At yenə kirpik oxun sinəmi dəlsin keçsin,
Yenə səssiz eləyim mən təmaşa gözlərinə.
Yenə gündüz qaçaraq dərdin əlindən ey məh,
Gecə gizlənməyə köçdüm o qara gözlərinə.
Bədnəzərdən o qara gözləri hifz etmək üçün
Gətirib kirpiyini düzdü səba gözlərinə.
Halini məst elədi çeşmi-xumarın, sonda
Eylədi canıni ugrunda fəda gözlərinə!
Perviz Hali Hovsanli
(5).jpeg)
