AZ
RU
KİMMİŞƏM?
Xeberinfo.com:
Niyə qanım çəkir səni,
Qanım qanından ayrıdı.
Ağrısan canım ağrıyır,
Canım canından ayrıdı.
Görmədiyim kədərinin,
Ağrısı canıma dolur.
İçin-için çəkdiyin ah,
Mənə qeybdən əyan olur.
Orda sənin yuxun qaçıb,
Narahatam yatağımda.
Soyuqdan əsir əllərin,
Üşüyürəm otağımda.
Nə işin var ürəyimdə,
Kimimsən, nəyimsən mənim?!
Yəqin alnıma yazılan,
Bəxtim, taleyimsən mənim...
MƏMMƏD QƏDİR
