AZ
RU
KƏSDİ ƏLLƏRİN
Xeberinfo.com:
Bağışla, bağışla bağışla məni,
Dərdinə yük olub günahmı etdim?
Hər kəlməm qəlbinə ox oldu sanki,
Günahım çox ikən mən ahmı etdim?
Dostluqdan keçərsə sevməyin yolu,
Ürəkdən hopacaq qəlbinə sənin.
Çətinsə söyləmək deməyin yolu,
Amandı yük ollam dərdinə sənin.
Görmədim, bilmədim kimsən nəçisən
Dinlədin sən məni əsdi əllərin.
Sil dedin qəlbindən pisi heçi sən,
Qaysaqlı yaramı kəsdi əllərin.
Canlandı gözümdə keçən anlarım,
O illər qadalı, yaralı qanlı.
Ömrümü doğrayıb biçən anlarım,
Xəyalı yarandı gözümdə canlı.
Sevməyə sağ ürək saf könül gərək,
Bir əğyar vəfasız ölüyə taydır.
Xəstəsə bu ürək nəyimə gərək,
Bəxtimə yazılıb, yeyəsi PAYDIR.
TƏRANƏ ŞƏMS.
(5).jpeg)
