AZ
RU
.jpg)
ATIRLAR BİZDƏN
Xeberinfo.com: (bədahətən)
Allahın verdiyi naza-nemətə,
Əl qoyub alırlar qapırlar bizdən.
Payımız nədirsə düşən qismətə,
Allahdan qorxmayıb atırlar bizdən.
Sərvətdi neftimiz oduna yandıq,
Tüstüsü bizimdir istisi kimin.
Ax nəyi itirdik nəyi qazandıq,
Pay düşər adba-ad itkisi kimin.
Məmurun, nazirin işi xod gedir,
Millətim sürünür ayılmırıq ki?!
Qanunlar axsayır niyə cod gedir,
Hər dəyən qapazdan bayılmırıq ki?!
Tanrının verdiyi nələr var nələr,
Gözümüz görəni görməz olmuşuq.
Dillərdə tərsinə, düşüb kəlmələr,
Söz ilə dərdləri çözməz olmuşuq.
Havası xaricdir nəfəsi puldur,
Yerişi saxtadır, geyimsə başqa.
Qoyulur hərraca satılır quldur,
Əməli bəllidir beyinsə başqa.
Baxarsaq kənardan batan bizlərə,
Şimalı,simasız oxşarı çoxdur.
Kənardan baxın siz, sizsiz bizlərə,
Loxmaya yedilən toxları çoxdur.
Zamanı əymişik düzünə həsrət,
Aldadan özümüz , yalan özümüz
Fikirlər hallanır əməllər dəhşət,
Baş qatır siyasət yanan özümüz.
TƏRANƏ ŞƏMS
