AZ
RU
Millətin vəkili " gilas" a həsrət
Millətin vəkili " gilas"a həsrət,
Görən bəs, bu kasıb axı neyləsin?!..
Altı min məvacib sənə bəs etmir?
Fəqirlər ailəsin necə yemləsin?..
*****
Fırlanıb ortada yelləncək kimi,
Sözünüz, kəlməniz dəyməz qəpiyə.
Güldürüb aləmi əyləncək kimi,
Atılan hər sözüm dönər təpiyə!
*****
Bu yazıq millətin avansı "onluq",
Bu pula düşməyir bir atrez donluq.
Məvacib alırlar yüzdən aşağı,
Əlimiz çox "gödək", dizdən aşağı...
*****
Qiymətlər az qala" qinnes" ə düşür,
Deyəsən, rekordu qıran "gilas"dır.
Millətin vəkili tamarzı qalıb,
Yemirsən al bir az, qulaqdan asdır!
*****
Bu qarın var ikən başdan aşağı,
Nə çoxdur gileyin "millət vəkili".
Kormusan bu qədər millətin acdır?
Adına qoyulsun, zillət ƏKİLİ...
*****
Ailə var, atanın gözü kölgəli,
O, ala bilməyir " nəyən- nüyən" dən.
"Seçilən" vəkilə, xalqım övkəli,
Söz edə bilmirik toydan, düyündən...
*****
Deşilsin o qarın " gilas" axtarır,
Yaxşı ki, söyləmir "tut" da yemədim.
Artdıqca pulları miras axtarır,
Mən nələr yazardım, çox şey demədim...
Təranə Şəms
