AZ
RU
Rusiyada mətbuat böhranı
Rusiyada fəaliyyət göstərən kütləvi informasiya vasitələrinin (KİV) əksəriyyəti bağlana bilər
"Xeberinfo.com": Ans press-in "İnterfaks"a istinadla verdiyi məlumata görə, bunu Moskva Jurnalistlər İttifaqının sədri Pavel Qusev bu gün Moskva Dövlət Universitetinin jurnalistika fakultəsində keçirilən konfransda deyib.
O, bildirib ki, ilin sonunadək hökumətin KİV-lərlə bağlı düşünülməmiş qərarlarına görə, Rusiyadakı mövcud kütləvi informasiya vasitələrinin təqribən 20 faizi bağlana bilər. Təkcə son 3,6 il ərzində "KİV Haqqında" qanuna zidd olan 100-ə yaxın düzəliş qəbul edilib.
Onun sözlərinə görə, bir neçə regionda mətbuata abunə 80-90 faiz aşağı düşüb. Nəticədə abunə ilə yaşayan bir çox regional qəzetlər fəaliyyətini dayandırıb. Həmçinin son ilyarım ərzində qəzet köşklərinin təqribən 40 faizi bağlanıb.
.jpeg)
