Buxarestin minlərlə əhalisi “Moldova və Rumıniyanın birləşdirilməsinə görə marş”da iştirak edib. 

    "Xeberinfo.com": Məlumata görə , marşın təşkilatçısı “Deystvie-2012” Assosasiyası olub. Marşın təşkilatçılarından biri olan Qeorq Simionun deyib ki, Moldova üçün yeganə şans Rumıniya ilə birləşməkdir: “Bu gün biz Rusiyanın Ukraynaya qarşı görünməmiş aqressiyasının şahidləriyik. Bessarabiya üçün (Rumıniyada iki ölkənin birləşdirilməsi tərəfdarları Moldovanı belə adlandırılar) Ukrayna ssenarisindən qaçmağın yeganə yolu Rumıniya ilə birləşmək ola bilər”.

    Nümayişin iştirakçıları Buxarest küçələrində “Rusiya, Bessarabiya sənin deyil!” plakatları ilə yürüş ediblər. Nümayişçilər Moldova və Rumıniya siyasətçilərinə, eləcə də Rumıniya prezidentliyinə namizədlərə ünvanlanan bəyannamə qəbul ediblər. Bəyannamədə nümayişçilər iki ölkənin birləşdirilməsi prosesini tezləşdirməyi tələb ediblər.

  Xatırladaq ki, Rumıniya prezidenti Trayan Besesku bildirib ki, iki ölkənin birləşdirilməsi NATO və Aİ-yə daxil olduqdan sonra üçüncü milli layihə olmalıdır. O qeyd edib ki, 2014-cü ildə prezidentlik müddəti başa çatdıqdan sonra bu layihənin inkişafı ilə məşğul olmağa hazırlaşır. Bu bəyanat həm Kişinyov, həm də Buxarestdə sərt tənqid olunub.