“Türkiyədə növbəti dövlət çevriliş cəhdi istisna deyil. Amma belə risklər minimuma endirilib və belə bir hadisənin qarşısının alınması üçün bütün lazımi tədbirlər görülüb”.

Xeberinfo.com:  Məlumata görə , bu fikri Türkiyə baş nazirinin müavini Mehmet Şimşək “CNN-TÜRK”-ə açıqlamasında 14 avqustda AKP-nin 15 illik yubley günündə FETÖ tərəfindən hər hansı növbəti çevriliş cəhdi ehtimalına mövqeyini açıqlayarkən deyib. O, deyib ki,  bu məsələdə millətə güvənirlər. “Belə bir risqin minimuma endirilməsi üçün lazımı tədbirlər görülüb. “Hazırda belə bir təhlükə yoxdur”- deyə, o vurğulayıb. M. Şimşək onu da əlavə edib ki, gizli dinləmələrin qarşısının alınmas məqsədi ilə dövlətin gizli məlumatları və danışıqları nə telefonla, nə də yazışmalar elektron vasitlərlərlə aparılmır. M. Şimşək deyib ki, FETÖ-çuların bu çevriliş cəhdi ölkənin iqtisadiyyatından da çox Türkiyənin etibarına vurmuş oldu: “Ən böyük zərər Türkiyənin etibarına dəydi. FETÖ-çular ölkə xaricində Türkiyə haqqında mənfi imiclər formalaşdırmaqla məşğuldurlar. Dövlət çevrilişinə vurulmayan ziyanı, bu şəxslər kənarda Türkiyəni pisləməklə vururlar. Ancaq bilsinlər ki, Türkiyə hər hansı tələyə düşməyəcək. Çünki onların bu cəhdi Türkiyəni Qərbdən qoparmaq cəhdinin tərkib hissəsidir. Belə demək mümkünsə Türkiyəyə edilən xəyanətin davamıdır”.